മലയാളി പ്രേക്ഷകരുടെ ഇഷ്ട ഗായികമാരില്‍ ഒരാളാണ് റിമി ടോമി. സംഗീത പരിപാടികളുമായി എപ്പോഴും ചാനലുകളില്‍ നിറഞ്ഞുനില്‍ക്കാറുളള താരം കൂടിയാണ് റിമി. ഗായികയെന്നതിലുപരി അഭിനേതാവായും റിമി ടോമി തിളങ്ങിയിരുന്നു. ജയറാം നായകനായ തിങ്കല്‍ മുതല്‍ വെളളി വരെ എന്ന ചിത്രത്തിലൂടെയാണ് നായികയായി നടി അരങ്ങേറ്റം കുറിച്ചത്. ജയറാം ചിത്രത്തിന് പുറമെ കുഞ്ഞിരാമായണം, അഞ്ച് സുന്ദരികള്‍, എന്നാലും ശരത് തുടങ്ങിയ സിനിമകളിലും നടി അഭിനയിച്ചിരുന്നു.
നിലവില്‍ ടെലിവിഷന്‍ ഷോകളും സ്‌റ്റേജ് പ്രോഗ്രാമുകളുമായി തിരക്കിലാണ് താരം. ഇത്തവണത്തെ ക്രിസ്മസ് കുടുംബത്തോടൊപ്പം റിമി ആഘോഷമാക്കി മാറ്റിയിരുന്നു. ക്രിസ്മസ് സെലിബ്രേഷന്റെ ചിത്രങ്ങള്‍ നടി സോഷ്യല്‍ മീഡിയയില്‍ പങ്കുവെച്ചിരുന്നു.
ചിത്രങ്ങളോടൊപ്പം റിമി ടോമി കുറിച്ച കുറിപ്പാണ് ഇപ്പോൾ സോഷ്യൽ മീഡിയയിൽ ചർച്ച വിഷയമായിരിക്കുന്നത്. ക്രിസ്മസ് കഴിഞ്ഞു, പളളിയില്‍ പോയി, ഇനി അമ്പലത്തിലേക്ക് എന്ന് കുറിച്ചുകൊണ്ടാണ് നടി എത്തിയത്. മതസൗഹാര്‍ദ്ദത്തിന്റെ സന്ദേശം പകര്‍ന്നുകൊണ്ടാണ് ഇന്‍സ്റ്റഗ്രാമില്‍ റിമി ടോമിയുടെ പുതിയ പോസ്റ്റ് വന്നിരിക്കുന്നത്.
View this post on Instagram
ക്രിസ്മസ് ആഘോഷമെല്ലാം കഴിഞ്ഞ ശേഷം റിമി നേരെ പോയത് മഹാദേവ ക്ഷേത്രത്തിലേക്കാണ്. അവിടെ നടന്ന സംഗീത പരിപാടിയില്‍ പങ്കെടുക്കാനായിരുന്നു റിമി പോയത്. തുടര്‍ന്ന് അമ്പലത്തിലെ പരിപാടിയില്‍ ഗണേഷ സ്തുതി പാടുന്ന വീഡിയോയും റിമി തന്റെ ഇന്‍സ്റ്റഗ്രാം പേജില്‍ പോസ്റ്റ് ചെയ്തിരുന്നു.
Post Your Comments