സൂപ്പര്‍ ഹിറ്റ് ചിത്രങ്ങളുടെ സംവിധായകനാണ് ഒമര്‍ ലുലു
പുതുവര്‍ഷത്തില്‍ ആരാധകരെ ആവേശത്തിലാഴ്ത്താന്‍ വീണ്ടും ഒരു സൂപ്പര്‍ ചിത്രവുമായി എത്തുകയാണ് സംവിധായകന്‍ ഒമര്‍ ലുലു കാലങ്ങളായി സിനിമാ ലോകത്ത് ഉണ്ടായിരുന്ന വിശ്വാസങ്ങള്‍ക്ക് എതിരെയാണ് സംവിധായകന്‍ ആഞ്ഞടിച്ചിരിക്കുന്നത്.’ധമാക്കയിലൂടെയാണ് ആ ചിന്തകള്‍ സംവിധായകന്‍ തുടച്ചുമാറ്റുന്നത്. ഒരു വര്‍ഷത്തിലെ ആദ്യ വെള്ളിയാഴ്ച പുറത്തിറങ്ങുന്ന ചിത്രങ്ങള്‍ പരാജയമാവുമെന്നുള്ള വിശ്വാസക്കാരാണ് സിനിമാക്കാര്‍. എത്ര സൂപ്പര്‍ താര പങ്കാളിത്തമുള്ള സിനിമയാണെങ്കിലും ആദ്യ വെള്ളിയാഴ്ച പുറത്തിറക്കാന്‍ അണിയറപ്രവര്‍ത്തകര്‍ ഭയക്കാറുണ്ട്. ഇത്തരം സാഹചര്യം നിലനില്‍ക്കെയാണ് തന്റെ നാലാം ചിത്രമായ ‘ധമാക്ക’ ജനുവരി ആദ്യയാഴ്ച തന്നെ എത്തുമെന്ന് ഒമര്‍ ലുലു ഫേസ്ബുക്കിലൂടെ അറിയിച്ചത്.
ചിത്രം ഗൂഡലൈന്‍ പ്രൊഡക്ഷന്‍സിന്റെ ബാനറില്‍ പുറത്തിറങ്ങുന്നത്. ചിത്രത്തിന് തിരക്കഥ ഒരുക്കുന്നത് നവാഗതരായ വേണു.ഓ.വി, കിരണ്‍ ലാല്‍ എന്നിവരാണ്. യുവാക്കള്‍ക്കും കുടുംബപ്രേക്ഷകര്‍ക്കും ഒരുപോലെ ആസ്വദിക്കാവുന്ന ഒരു ‘കളര്‍ഫുള്‍ കോമഡി എന്റര്‍ട്ടൈനര്‍’ തന്നെയായിരിക്കും ധമാക്കയും എന്നാണ് ഒമര്‍ ലുലു ഉറപ്പുനല്കിയിരിക്കുന്നത്. ബാലതാരമായി മലയാളസിനിമയിലേക്ക് കടന്നു വന്ന ‘അരുണ്‍ കുമാര്‍’ ആദ്യമായി നായക വേഷം ചെയ്യുന്ന ചിത്രം കൂടിയാണിത്. ചിത്രത്തിനായി ഗോപി സുന്ദര്‍ ഒരുക്കിയ ഗാനങ്ങള്‍ ഇതിനോടക്കം തന്നെ ഹിറ്റ് ചാര്‍ട്ടില്‍ ഇടംനേടികഴിഞ്ഞു അന്ധവിശ്വാസങ്ങള്‍ കൊടികുത്തിവാഴുന്ന സിനിമാമേഖലയില്‍, ഈ വിശ്വാസത്തെ തകര്‍ക്കാന്‍ ‘ധമാക്ക’യ്ക്ക് കഴിയുമോ എന്നറിയാന്‍ ജനുവരി 2 വരെ കാത്തിരിക്കാം.ചിത്രത്തിന്റെ റീലിസിനായി കാത്തിരിക്കുകയാണ് ആരാധകര്‍.
Post Your Comments