ജിഎൻപിസി എന്ന ഫേസ്ബുക്ക് ഗ്രൂപ്പിൽ കഴിഞ്ഞ ദിവസം വന്ന ഒരു പോസ്റ്റാണ് ഇപ്പോൾ സോഷ്യൽ മീഡിയയിലെ ചർച്ച വിഷയം. ഈ കഥയിൽ ബോളിവുഡ് സൂപ്പർ താരം ആമീർഖാനും താരമാണ്. അദ്ദേഹം കേരളത്തിൽ ഷൂട്ടിങിനെത്തിയപ്പോഴാണ് സംഭവം നടക്കുന്നത്. വിമൽ കുമാർ എന്ന യുവാവാണ് ഇത് ഗ്രൂപ്പിൽ പങ്കുവച്ചിരിക്കുന്നത്.
‘സാർ, ഉങ്കളെ ടീവിയിൽ നിറയെ പാത്തിരുക്ക്, ആനാ പേരെന്നാന്ന് തെരിയലെ.. നീങ്ക പെരിയ യാരോ അന്ന് തെരിയത്‌ ഉങ്ക കൂടെ ഒരു ഫോട്ടോ എടുക്ക മുടിയുമാ?’ സാക്ഷാൽ അമീർഖാനോട് ഈ ചിത്രത്തിലെ ചേട്ടൻ ചോദിച്ചതാണ്. നിറഞ്ഞ സന്തോഷത്തോടെ അമീർ അദ്ദേഹത്തിനൊപ്പം ചിത്രമെടുക്കാൻ തയാറായി. അപ്പോഴാണ് പ്രധാനപ്രശ്നം. അദ്ദേഹത്തിന് ഫോണില്ല. അപ്പോഴാണ് കൂട്ടത്തിൽ നിന്ന വിമൽ കുമാറിന്റെ ഫോണിൽ ചിത്രമെടുത്തത്. എന്നാൽ ഫോട്ടോ എടുത്തശേഷം പോയ മനുഷ്യനെ ഇതുവരെ കണ്ടെത്താനായില്ല. അദ്ദേഹത്തിന് കൊടുക്കാൻ ഈ ഫോട്ടോ സൂക്ഷിച്ചു വച്ചിരിക്കുകയാണ് ഈ യുവാവ്. ഇദ്ദേഹത്തെ കണ്ടെത്താൻ സഹായിക്കണമെന്ന അഭ്യർഥനയുമായിട്ടാണ് യുവാവ് പോസ്റ്റിട്ടിരിക്കുന്നത്.
കുറിപ്പിന്റയെ പൂർണരൂപം…………………..
ഇതൊരു അപേക്ഷയാണ്..
അതിനു മുൻപ്‌ ഈ ഫോട്ടോയുടെ പിന്നിലുള്ള ഒരു കഥ നിങ്ങൾ അറിയണം ആമിർഖാൻ കേരളത്തിൽ ഷൂട്ടിങ്ങിനു വന്നദിവസം ചായകുടിക്കാൻ ആമിറിന്റെ ഇഷ്ടപ്രകാരം ഒരു പെട്ടിക്കടയിൽ നിന്നും കുടിച്ചു..അപ്പോൾ ഈ ഫോട്ടോയിൽ കാണുന്ന ചേട്ടൻ അടുത്തേക്ക്‌ വന്നിട്ട്‌ ആമിർ ഖാനെ നോക്കി ചോദിച്ചു.. ‘സാർ ഉങ്കളെ ടീവിയിൽ നിറയെ പാത്തിരുക്ക്, ആനാ പേരെന്നാന്ന് തെരിയലെ.. നീങ്ക പെരിയ യാരോ അന്ന് തെരിയത്‌ ഉങ്ക കൂടെ ഒരു ഫോട്ടൊ എടുക്ക മുടിയുമാ?’.
തൊഴുതുപിടിച്ച്‌ ഭയഭക്തിയോടേ നിൽകുന്ന ആ ചേട്ടനെ ആമിർ ഖാൻ തോളിൽ കയ്യിട്ട്‌ ചേർത്ത്‌ പിടിച്ചു നിർത്തി ഫോട്ടോ എടുത്തോളാൻ പറഞ്ഞു.പക്ഷെ ആ ചേട്ടന്റെ കയ്യിൽ ഫോൺ ഇല്ലാരുന്നു…ആ ചേട്ടനു വേണ്ടി ഞാൻ എന്റെ ഫോണിൽ എടുത്ത ഫോട്ടോ ആണിത്‌..ഫോണില്ലാത്ത ആ ചേട്ടനു ഈ ഫോട്ടോ കൊടുക്കാൻ ഒരു മാർഗ്ഗവുമുണ്ടായില്ല.ഞാൻ ഒരു വാക്ക്‌ കൊടുത്തു എങ്ങനെയെങ്കിലും ഫോട്ടോ ആ ചേട്ടന്റെ കയ്യിൽ എത്തിക്കുമെന്ന് ആ ചേട്ടന്റെ പേരറിയില്ല ,നാടറിയില്ല ,ആ ഫോട്ടോയിൽ കാണുന്ന സ്ഥലപേരു മാത്രമെ മാർഗ്ഗമുള്ള നിങ്ങളുടെ ഓരോരുത്തരുടെയും കയ്യിലൂടെ ഈ ഫോട്ടൊ അയ്യാളുടെ കയ്യിൽ എത്തണം അതിനു നിങ്ങൾ എല്ലാരും ഒന്നും സഹായിക്കണം.
Post Your Comments