ബ്ലോക്ബസ്റ്റര്‍ ചിത്രം ദൃശ്യം തിയേറ്ററുകളില്‍ എത്തിയിട്ട് ആറുവര്‍ഷം തികയുകയാണ്. ഇപ്പോഴിതാ പഴയ ഒരു വീഡിയോ വീണ്ടും സോഷ്യല്‍ മീഡിയയില്‍ തരംഗമാവുകയാണ്.
ദൃശ്യത്തിലെ ജോര്‍ജുകുട്ടിയെ പൂട്ടാന്‍ മെമ്മറീസിലെ സാം അലക്സ് എത്തുന്നതാണ് വീഡിയോ. ദൃശ്യത്തിന്റെയും മെമ്മറീസിന്റെയും ഭാഗങ്ങള്‍ വിദഗ്ദ്ധമായി എഡിറ്റ് ചെയ്തിറക്കിയ വീഡിയോ ആണ് ഇപ്പോൾ സോഷ്യല്‍ മീഡിയയില്‍ വീണ്ടും ചര്‍ച്ചയാവുന്നത്.
ജി.പി.എസ് റിമിക്സ് ചാനല്‍ എന്ന യുട്യൂബ് ചാനല്‍ പുറത്തിറക്കിയ വീഡിയോയ്ക്ക് മികച്ച പ്രതികരണമാണ് ലഭിച്ചത്. ദൃശ്യത്തിലെ വരുണ്‍ കാണാതാകുന്ന കേസ് മെമ്മറീസിലെ പൃഥ്വിരാജ് കഥാപാത്രമായ സാം അലക്സ് അന്വേഷിക്കുന്നതായിട്ടാണ് 2 WISERS എന്ന എഡിറ്റ് വീഡിയോയിലെ കഥ മുന്നോട്ട് പോകുന്നത്.
Post Your Comments