ഹലാല്‍ ലവ് സ്റ്റോറി എന്ന ചിത്രത്തിന്റെ ഷൂട്ടിങ്ങ് പാക്കപ്പ് പ്രതിഷേധമാക്കി സംവിധായകന്‍ സക്കറിയയും സംഘവും. ആഷിക് അബു നിര്‍മിക്കുന്ന ചിത്രത്തിന് വ്യത്യസ്തമായൊരു രീതിയില്‍ പാക്ക് അപ്പ് പറയുന്ന വിഡിയോയാണ് സമൂഹമാധ്യമങ്ങളില്‍ വൈറലാകുന്നത്.
ചിത്രത്തിലെ നടീനടന്‍മാര്‍ അടക്കമുള്ള അണിയറപ്രവര്‍ത്തകര്‍ ഒരുമിച്ചിരുന്ന് പൗരത്വ നിയമത്തിനെതിരെ പ്രതിഷേധിക്കുന്നതാണ് വിഡിയോയില്‍ കാണാന്‍ കഴിയുന്നത്. ‘ഹം ദേഖേംഗെ’ എന്ന പ്രശസ്തമായ ഹിന്ദി ഗാനമാണ് ഈ സമയം ഷഹബാസ് അമന്‍ ആലപിക്കുന്നത്. നിശബ്ദരായിരിക്കരുതെന്നും എന്നാല്‍ സമാധാനപരമായി സമരം ചെയ്യണമെന്ന് ആഹ്വാനം ചെയ്യുന്ന പ്ലക്കാര്‍ഡുകളും അണിയറപ്രവര്‍ത്തകരുടെ കൈകളില്‍ കാണാം. പൗരത്വനിയമവും ദേശീയ പൗരത്വ രജിസ്റ്ററും റദ്ദാക്കണമെന്ന ഹാഷ്ടാഗുകളും ഇതോടൊപ്പമുണ്ട്.
സുഡാനി ഫ്രം നൈജീരിയക്ക് ശേഷം സക്കറിയ സംവിധാനം ചെയ്യുന്ന ചിത്രമാണ് ഹലാല്‍ ലവ് സ്റ്റോറി. പൗരത്വ ഭേദഗതി ബില്ലിനെതിരെ പ്രതിഷേധിച്ച്‌ സുഡാനി ടീം ദേശീയ അവാര്‍ഡ് ബഹിഷ്കരിക്കുമെന്ന് അറിയിച്ചിരുന്നു. ഇതിന് പിന്നാലെയാണ് ഇത്തരത്തിലൊരു പ്രതിഷേധം കൂടി രേഖപ്പെടുത്തുന്നത്.
Post Your Comments