ബിഗ് സ്‌ക്രീനില്‍ മാത്രമല്ല മിനിസ്‌ക്രീനില്‍ നിന്നും കൈയ്യടി നേടി മുന്നേറുകയാണ് സുരേഷ് ഗോപി. അഭിനേതാവായി മാത്രമല്ല അവതാരകനായും അദ്ദേഹം തന്റയെ കഴിവ് തെളിയിച്ചിരുന്നു. നിങ്ങള്‍ക്കും ആകാം കോടീശ്വരന്‍ എന്ന പരിപാടിയിലൂടെയായിരുന്നു സുരേഷ് ഗോപി ജനഹൃദയത്തില്‍ ഇടം നേടിയത്. അഭിനയത്തില്‍ സജീവമല്ലെങ്കിലും ഈ പരിപാടിയിലൂടെ അദ്ദേഹം തന്റെ ജനപ്രീതി നിലനിര്‍ത്തുകയായിരുന്നു. മറ്റ് പല കാര്യങ്ങളിലും അദ്ദേഹത്തോട് വിയോജിപ്പുള്ളവര്‍ പോലും വിടാതെ കാണുന്ന പരിപാടി കൂടിയാണിത്. അറിവിന്റെ പോരാട്ടത്തിലേക്ക് സാധാരണക്കാര്‍ മുതല്‍ സെലിബ്രിറ്റികള്‍ വരെ അണിനിരക്കാറുണ്ട്.
ഇപ്പോഴിതാ പരിപാടിയുടെ പുതിയ പ്രമോ വീഡിയോ ആണ് സോഷ്യല്‍ മീഡിയയിൽ തരംഗമാകുന്നത്. യുവനടൻ ടൊവിനോ തോമസാണ് ഇത്തവണ ഹോട്ട് സീറ്റിലേക്ക് എത്തിയത്. പുത്തന്‍ ലുക്കില്‍ ചുള്ളനായാണ് ടൊവിനോ എത്തിയിട്ടുള്ളത്. ഹോട്ട് സീറ്റിലേക്കെത്തിയ ടൊവിനോയോട് ടെന്‍ഷനുണ്ടോയെന്നായിരുന്നു സുരേഷ് ഗോപി ചോദിച്ചത്. എന്താണെന്നറിയില്ല താനല്‍പ്പം ടെന്‍ഷനിലാണെന്നായിരുന്നു താരത്തിന്റെ മറുപടി. ശരിയാണെങ്കിലും തെറ്റാണെങ്കിലും ഒന്നും പറയാന്‍ പോവുന്നില്ലെന്നും ടൊവിനോ പറയുന്നുണ്ട്. ഇടയ്ക്ക് താന്‍ പറഞ്ഞ ഉത്തരം ശരിയാണെന്നറിഞ്ഞപ്പോള്‍ സന്തോഷിക്കുന്ന താരത്തേയും വീഡിയോയില്‍ കാണുന്നുണ്ട്.
ഇങ്ങനെയൊക്കെ പറയാന്‍ തുടങ്ങിയാല്‍ താന്‍ ഒരു കോടി വരെയൊക്കെ നേടുമെന്നായിരുന്നു ടൊവിനോ പറഞ്ഞത്. ഇടയ്ക്ക് ചില ചോദ്യങ്ങള്‍ക്ക് അമ്പരപ്പോടെ ഉത്തരം പറയുന്ന ടൊവിനോയേയും വീഡിയോയില്‍ കാണുന്നുണ്ട്. താന്‍ മോശമല്ല അല്ലേയെന്ന സംശയവും താരം ഉന്നയിക്കുന്നുണ്ട്. ലുക്ക് പൊളിച്ചുവെന്നായിരുന്നു ആരാധകര്‍ പറഞ്ഞത്. 12 ല്ക്ഷം വരെ എത്താനുള്ള വിവരമൊക്കെ താരത്തിനുണ്ടോയെന്ന തരത്തിലുള്ള ചോദ്യങ്ങളായിരുന്നു മറ്റ് ചിലര്‍ ഉന്നയിച്ചത്.
Post Your Comments