ഉപ്പും മുളകും പ്രേക്ഷകർ വീണ്ടും നിരാശയിൽ ; വരൻ ടിക് ടോക് താരം ഗിരീഷ് ഗംഗാധരനല്ല

പ്രേക്ഷകർക്ക് ഏറെ പ്രിയപ്പെട്ട പരമ്പരയാണ് ഉപ്പും മുളകും. ഈ പരമ്പരയിലെ ഓരോ അംഗങ്ങളോടും ഒരു പ്രത്യേക സ്നേഹമാണ് ആരാധകർക്ക്. അത് കൊണ്ട് തന്നെ അവരുടെ ഓരോ വിശേഷങ്ങളും ഇരു കൈയും നീട്ടിയാണ് പ്രേക്ഷകർ സ്വീകരിക്കുന്നത്. ഇപ്പോൾ ഉപ്പും മുളകും കുടുംബത്തിലെ പുതിയ വിശേഷത്തെ ചുറ്റിപ്പിടിച്ചാണ് പ്രേക്ഷകരുള്ളത്. പ്രേക്ഷകർക്ക് ഏറെ പ്രിയപ്പെട്ട കഥാപത്രമാണ് ഉപ്പും മുളകും കുടുംബത്തിലെ ലച്ചു. അവളുടെ വിവാഹമാണ് പ്രേക്ഷകർക്ക് ഏറ്റവും സന്തോഷം നൽകുന്ന വാർത്ത.

നേവി ഓഫീസറായ സിദ്ധാർഥ് സുകുമാരനാണ് ലച്ചുവിനെ വിവാഹം കഴിക്കാൻ പോകുന്നത്. ഇതിന്റെ ഭാഗമായി വിവാഹ നിശ്ചയ ചടങ്ങുകളാണ് പാറമട വീട്ടിൽ നടന്നത്. എല്ലാവരും പ്രതീക്ഷിച്ചിരുന്നത് നിശ്ചയത്തിന്‌ വരൻ എത്തും എന്ന് തന്നെയാണ്. എല്ലാവരുടെയും പ്രതീക്ഷകൾ തകിടം മറിച്ചുകൊണ്ടാണ് ചടങ്ങിന് വരൻ എത്തിയില്ല എന്ന നഗ്ന സത്യം പ്രേക്ഷകർ മനസ്സിലാക്കുന്നത്. ചെക്കന്റെ കുടുംബക്കാർ എല്ലാവരും ചടങ്ങിന് എത്തിയിരുന്നു. അച്ഛൻ സുകുമാരൻ, അമ്മ മിനി സുകുമാരൻ, കൊച്ചച്ഛൻ, അമ്മാവൻ, അവരുടെ കുടുംബങ്ങൾ. പിന്നെ സിദ്ദുവിന്റെ ഉറ്റ സ്നേഹിതന്മാർ എല്ലാവരും ചടങ്ങിന് എത്തിയപ്പോൾ, മകന് ലീവ് കിട്ടിയില്ല എന്നാണ് ചെക്കന്റെ വീട്ടുകാർ പറയുന്നത്. ഇത് കേട്ട പ്രേക്ഷകരും, ലച്ചുവിന്റെ കുടുംബവും കടുത്ത നിരാശയിലുമാണ്.

ടിക് ടോക് താരം ഗിരീഷ് ഗംഗാധരൻ ആകും ലച്ചുവിന്റ വരൻ ആയി എത്തുന്നതെന്ന് പ്രേക്ഷകർ അനുമാനിച്ചിരുന്നെങ്കിലും ഗിരീഷ് ചെക്കന്റെ ഉറ്റ സ്നേഹിതൻ ആയിട്ടാണ് ചടങ്ങിന് പ്രത്യക്ഷപ്പെടുന്നത്. ഇത് കടുത്ത നിരാശയാണ് പ്രേക്ഷകർക്ക് സമ്മാനിച്ചിരിക്കുന്നത്. ചെറുക്കൻ കല്യാണത്തിന് താലി കെട്ടാൻ എങ്കിലും വന്നാൽ മതിയായിരുന്നു എന്നാണ് ഇപ്പോൾ പ്രേക്ഷകർ പറയുന്നത് .