പൗരത്വ ഭേദഗതി നിയമത്തിനെതിരേയും ഇതിനെതിരെയുള്ള പ്രതിഷേധങ്ങൾ അടിച്ചമർ‍ത്തുന്നതിനെതിരേയും നിരവധി താരങ്ങളാണ് രംഗത്തെത്തിയിരിക്കുന്നത്. സോഷ്യൽമീഡിയയിലുള്‍പ്പെടെ ഇവർ തങ്ങളുടെ പ്രതിഷേധം അറിയിക്കുന്നുണ്ട്. മമ്മൂട്ടിക്കും ടൊവിനോയ്ക്കും പൃഥ്വിയ്ക്കും ലിജോ ജോസിനുമൊക്കെ പിന്നാലെ ഇപ്പോള്‍ ഇതാ സംവിധായകനും നടനും ഗായകനുമായ വിനീത് ശ്രീനിവാസനും രംഗത്തെത്തിയിരിക്കുകയാണ്.
നിങ്ങള്‍ക്ക് അവര്‍ ന്യൂനപക്ഷം, എന്നാല്‍ ഞങ്ങള്‍ക്ക് അവര്‍ സഹോദരന്‍മാരും സഹോദരിമാരുമാണെന്നാണ് താരം ഫേസ്ബുക്ക് കുറിപ്പിലൂടെ വ്യക്തമാക്കിയിരിക്കുന്നത്. നിങ്ങളുടെ പൗരത്വഭേദഗതി നിയമവുമെടുത്തുകൊണ്ട് ഒരു ക്യാബ് വിളിച്ച് ഞങ്ങളില്‍ നിന്ന് ദൂരേക്ക് എവിടേക്കെങ്കിലും പോകൂ. പോകുമ്പോള്‍ എന്‍ആര്‍സി അടക്കമുള്ള നിങ്ങളുടെ ബില്ലുകളും കയ്യിലെടുത്തോളൂ എന്നും വിനീത് കുറിച്ചിട്ടുണ്ട്.
Post Your Comments