‘എല്ലാവരും അംഗീകരിക്കുന്ന ആ ദിവസത്തിനായി ഒരുപാട് ആഗ്രഹിച്ചിരുന്നു’ ;ഉണ്ണിമുകുന്ദനോടുള്ള ഇഷ്ടം തുറന്ന് പറഞ്ഞ് സ്വാസിക

സീത എന്ന കഥാപാത്രത്തെ അറിയാത്ത മലയാള ടെലിവിഷൻ ആരാധകർ കുറവാണ്. അഭിനയത്തിലെ വേറിട്ട ശൈലിയാണ് ചുരുങ്ങിയ കാലം കൊണ്ട് സ്വാസികയെ പ്രേക്ഷകരുടെ പ്രിയങ്കരിയാക്കി മാറ്റിയത്.  ടെലിവിഷനിൽ മാത്രമല്ല, ബിഗ് സ്‌ക്രീനിലും ബിഗ് താരങ്ങളോട് ഒപ്പം സ്വാസികയ്ക്ക് സ്ഥാനം ഉറപ്പിക്കാൻ ഇതിനോടകം തന്നെ സാധിച്ചു. ഇപ്പോഴിതാ താരത്തിന്റയെ പുതിയൊരു ഫേസ് ബുക്ക് പോസ്റ്റാണ് സോഷ്യൽ മീഡിയയിൽ തരംഗമായി മാറിയിരിക്കുന്നത്. നടൻ ഉണ്ണി മുകുന്ദനെ പറ്റിയാണ് സ്വാസിക ഫേസ്ബുക്കിൽ കുറിപ്പിട്ടിരിക്കുന്നത്. ഓരോ കഥാപാത്രങ്ങൾക്കും ഓരോ മുഖങ്ങൾ ഓരോ സ്വഭാവങ്ങൾ ഓരോ ശൈലികൾ ആണ് ഉണ്ണി നടത്തുന്നതെന്ന് സ്വാസിക പറയുന്നു.

മല്ലു സിംഗ്, മസിൽ അളിയൻ, ജോൺ തെക്കൻ, മാർകോ ജൂനിയർ,ക്രിസ്തുദാസ് ചന്ദ്രോത് പണിക്കർ അങ്ങനെ തന്റെ മനസ്സിൽ കയറി കൂടിയ ഒരുപാട് കഥാപാത്രങ്ങൾ ഉള്ളതായും സ്വാസിക അഭിപ്രായപ്പെടുന്നു. മാത്രമല്ല ഓരോ കഥാപാത്രത്തിനും അദ്ദേഹം മാനസികമായും ശാരീരികമായും കൊണ്ട് വരുന്ന ആ മാറ്റങ്ങൾ.ശ്രദ്ധിക്കേണ്ടത് ആണെന്നും അതൊന്നും എവിടെയും പരാമർശിച്ചു കണ്ടിട്ടില്ല എന്നും സ്വാസിക വ്യക്തമാക്കുന്നുണ്ട്.

ഒറീസയുടെ ഷൂട്ടിംഗ് ടൈമിൽ നേരിട്ട് അറിഞ്ഞതാണ് ആരും അറിയാതെ അദ്ദേഹം കഥാപാത്രത്തിന് വേണ്ടി ചെയുന്ന വലിയ മാറ്റങ്ങൾ.എന്റെ വളരെ പേർസണൽ ഫേവറിറ്റ് ആയൊരു റോൾ ആയിരുന്നു ഒറീസയിലെ ക്രിസ്തുദാസ് എന്ന കഥാപാത്രം.അതിന്റെയും സംവിധായകൻ പപ്പേട്ടൻ ആയിരുന്നു.

ഒറീസയിലെ പോലിസ്കാരൻ ആവാൻ ആഗ്രഹമില്ലാതെ പോലിസ് ആയ ആ കഥാപാത്രം അത്ര ഫിറ്റ്‌ ആയാൽ ശരിയാവില്ല എന്ന് സ്വയം മനസിലാക്കി വയറും തടിയും കൂട്ടി ആ കഥാപാത്രമായി മാറുന്നത് കണ്ടപ്പോൾ താൻ ഞെട്ടിപ്പോയെന്നും .ഇതൊന്നും ആരും അറിയുന്നില്ലലോ എന്ന വിഷമം നന്നായി ഉണ്ടായിരുന്നതായും താരം കുറിപ്പിലൂടെ പറയുന്നു. ഇങ്ങനെ ഉണ്ണിയുടെ പല കഠിന പ്രയത്‌നങ്ങൾക്കും വേണ്ട വിധം അംഗീകാരങ്ങൾ എവിടെയും ലഭിച്ചിട്ടില്ലെന്നും താരം പോസ്റ്റിലൂടെ വ്യക്തമാക്കി.

ചന്ദ്രോത്ത് പണിക്കർ എന്ന മാമാങ്കത്തിലെ കഥാപാത്രത്തെപറ്റിയും സ്വാസിക വിവരിക്കുന്നുണ്ട്. എല്ലാം കാലം കരുതി വെച്ചത് ആണെന്ന് വിശ്വസിക്കുന്നു.. സിനിമ കണ്ടിറങ്ങിയിട്ടും ചന്ദ്രോത് പണിക്കരും അനന്തിരവൻ അച്യുതനുമായുള്ള ആ ഒരു ബോണ്ടിങ് മനസ്സിൽ നിന്ന് പോവുന്നില്ല.ഒറീസയുടെ സെറ്റിൽ വെച്ച് തുടങ്ങിയ സൗഹൃദം ആണ്, ഉണ്ണി മുകുന്ദൻ എന്ന ആ വലിയ നല്ല മനുഷ്യനെ എല്ലാവരും ഇത് പോലെ അംഗീകരിക്കുന്ന ആ ദിവസത്തിനായി ഒരുപാട് ആഗ്രഹിച്ചിരുന്നു,ഇന്ന് സിനിമ കണ്ടപ്പോൾ ഒരുപാട് സന്തോഷം ആയി. ഫെൽ ഇൻ ലവ് വിത്ത് ഹിം വൺസ് എഗൈൻ എന്നും താരം പോസ്റ്റിലൂടെ പറയുന്നു. അതേസമയം സ്വാസികയുടെ പോസ്റ്റ് കണ്ട ആരാധകർ പറയുന്നത് ഇരുവരും തമ്മിൽ പ്രേമം തുടങ്ങി എന്നാണ്.