ചുരുങ്ങിയ സമയം കൊണ്ടാണ് ഷെയ്ൻ നിഗം എന്ന നടൻ മലയാള സിനിമയിൽ തന്റെതായ സ്ഥാനം കണ്ടെത്തിയത്. എന്നാൽ അടുത്തിടെ വെയില്‍ സിനിമയുമായി ബന്ധപ്പെട്ട് തുടങ്ങിയ തർക്കങ്ങൾ താരത്തിന് അഭിനയിക്കാൻ വിലക്ക് ഏർപ്പെടുത്തുന്നത് വരെ എത്തിയിരുന്നു. ഈ പ്രശ്നത്തിന്റെ പേരിൽ സിനിമാ രംഗംവും സോഷ്യൽ മീഡിയയും രണ്ട് ചേരിയായി തിരിയേണ്ട അവസ്ഥ വരെയുണ്ടായി. ഇപ്പോഴും പ്രശ്നങ്ങൾ എല്ലാം ഒതുങ്ങി എന്ന് പറയാനാകില്ല. അപ്പോഴാണ് മലയാള ടെലിവിഷനിലെ റിയാലിറ്റി ഷോയിൽ പങ്കെടുക്കാൻ ഷെയ്ൻ എത്തുന്നത്.
സീ കേരളം സംപ്രേക്ഷണം ചെയ്യുന്ന സ രി ഗ മ പ യിൽ പങ്കെടുക്കാൻ ആണ് ഷെയ്ൻ എത്തുന്നത്. ഷോയിൽ പങ്കെടുത്തു കൊണ്ട് താരം തന്റെ മനസ്സ് പ്രേക്ഷകർക്ക് മുൻപിൽ തുറക്കുന്നുണ്ട്. ഇടറുന്ന സ്വരത്തിൽ താരം മനസ്സ് തുറക്കുമ്പോൾ ജഡ്ജസിന്റെ വരെ ഉള്ളുലയ്ക്കുന്ന സംഭവങ്ങൾക്കാണ് ഈ ആഴ്ചയിലെ എപ്പിസോഡ് സാക്ഷ്യം വഹിക്കുക. ചാനൽ പുറത്ത് വിട്ട പ്രമോ വീഡിയോയിൽ ‘കറക്ട് ചെയ്യാൻ പറ്റില്ലാത്തോണ്ട് മാത്രമാണ് ഞാൻ ഈ നിലപാടിലോട്ട് നിൽക്കണത്. വിശ്വസിക്കാൻ പറ്റണവർ മാത്രം വിശ്വസിക്കുക;എന്ന് ഉള്ള് തുറന്ന് ഷെയ്ൻ പറയുന്ന വാക്കുകളും പ്രേക്ഷകർ ഇതിനോടകം സ്വീകരിച്ചു കഴിഞ്ഞു.
നിരവധി ആളുകളാണ് ഈ പ്രോമോ വീഡിയോയ്ക്ക് അഭിപ്രായങ്ങളുമായി രംഗത്ത് വരുന്നത്. ചിലർ ഷെയ്‌നിനെ കൊണ്ട് വന്നത് നന്നായി എന്ന് അഭിപ്രായപെടുമ്പോൾ മറ്റ് ചിലർ ഇതിനെതിരെയും രംഗത്ത് വരുന്നുണ്ട്.
Post Your Comments