മിനിസ്ക്രീൻ പ്രേക്ഷകർക്ക് സുപരിചിതയായി മാറിയ നടിയാണ് സൗപർണിക സുഭാഷ്. താരത്തിന്റെ അഭിനയശൈലിയും വശ്യമായ പുഞ്ചിരിയും, കുട്ടിത്തം തുളുമ്പുന്ന മുഖവും ചുരുങ്ങിയ കാലയളവിനുള്ളിൽ താരത്തെ മുൻ നിര സീരിയൽ നടിമാർക്കിടയിൽ ഒരു സ്ഥാനം ഉറപ്പിക്കാൻ കാരണം ആയി. ക ലാപാരമ്പര്യം ഉള്ള കുടുംബമാണ് സൗപർണ്ണികയുടേത്.
അറുപത്തിയഞ്ചിൽ അധികം സീരിയലുകളിൽ അഭിനയിച്ച താരം ബിഗ് സ്ക്രീനിലും തിളങ്ങിയിട്ടുണ്ട്. പൊന്നൂഞ്ഞാൽ എന്ന സീരിയലിലൂടെയാണ് സൗപർണിക സീരിയൽ രംഗത്ത് തന്റെ ചുവട് ഉറപ്പിക്കുന്നത്. സൗപർണിക ഭാര്യ എന്ന സീരിയലിൽ അവതരിപ്പിച്ച ലീന ടീച്ചർ എന്ന ശക്തമായ കഥാപാത്രത്തെ മലയാള ടെലിവിഷൻ ആസ്വാദകർ മറക്കാൻ ഇടയില്ല. സോഷ്യൽ മീഡിയയിൽ സജീവമായ താരം കഴിഞ്ഞ ദിവസം പങ്കിട്ട ചിത്രമാണ് ഇപ്പോൾ ആരാധകർ ഏറ്റെടുത്തിരിക്കുന്നത്.
താരത്തിന്റെ ഭർത്താവും നടനുമായ സുഭാഷിന്റെ പിറന്നാൾ ദിവസം സൗപർണിക പങ്ക് വച്ചിരിക്കുന്ന ചിത്രത്തിന് താരം നൽകിയ ക്യാപ്‌ഷൻ ഇതിനോടകം തന്നെ വൈറൽ ആയിട്ടുണ്ട്. എന്റെ കംപാനിയൻ; എന്റെ കംഫർട്ടർ, എന്റെ കൂട്ടുകാരൻ, എല്ലാത്തിനും ഉപരി എന്റെ ഭർത്താവായി നിങ്ങളെ ലഭിച്ച ഞാൻ ഭാഗ്യവതിയാണ് ഹാപ്പി ബർത്ത് ഡേ ഏട്ടാ! എന്നാണ് താരം ഫേസ്ബുക്ക് പോസ്റ്റിലൂടെ പറയുന്നത്. നിരവധി ആരാധകരും സുഹൃത്തുക്കളും ആണ് ഇരുവർക്കും ആശംസകളുമായി എത്തുന്നത്.
2013 ലാണ് കോഴിക്കോട് സ്വദേശി സുഭാഷ് ബാലകൃഷ്ണനുമായി താരത്തിന്റെ വിവാഹം നടക്കുന്നത്. അമ്മുവിന്റെ അമ്മ സീരിയലിലെ കിരണ്‍ ആയി സുഭാഷ് മിനി സ്‌ക്രീൻ പ്രേക്ഷകർക്ക് പരിചിതനാണ്.
Post Your Comments