ഇന്ദ്രജ ഒരു കാലത്ത് മലയാള സിനിമയിലെ തിരക്കേറിയ നായിക നടിയായിരുന്നു. ‘ഉസ്താദ്‌’ എന്ന ചിത്രത്തിലൂടെ മോഹന്‍ലാലിന്‍റെ നായികയായും ക്രോണിക് ബാച്ചിലര്‍ എന്ന ചിത്രത്തിലൂടെ മമ്മൂട്ടിയുടെ പ്രതിനായക റോളിലും തിളങ്ങിയ ഇന്ദ്രജയ്ക്ക് മലയാളത്തില്‍ നിരവധി ശ്രദ്ധേയമായ വേഷങ്ങള്‍ ലഭിച്ചിരുന്നു. ഉസ്താദ്‌, മയിലാട്ടം, ഇന്റിപെന്‍ഡന്‍സ്, സിദ്ധാര്‍ത്ഥ, ബെന്‍ ജോണ്‍സണ്‍ തുടങ്ങിയ ചിത്രങ്ങളിലൊക്കെ ഇന്ദ്രജയ്ക്ക് ശക്തമായ നായിക വേഷമായിരുന്നു.
തനിക്കൊപ്പം അഭിനയിച്ച നായക നടന്മാരെ ഒറ്റ വാക്കില്‍ ഓര്‍ത്തെടുക്കാന്‍ പറഞ്ഞാല്‍ എങ്ങനെ വിശേഷിപ്പിക്കും എന്ന മറുപടി നല്‍കുകയാണ് താരം.
‘മമ്മൂട്ടി ഒരു ട്രൂ ജെന്റില്‍മാന്‍ ആണെങ്കില്‍ മോഹന്‍ലാല്‍ വളരെ ഫ്രണ്ട്ലി ആയിട്ടുള്ള ഒരു വ്യക്തിയാണ്.ജയറാം വളരെ ഫണ്ണി ക്യാരക്ടര്‍ ആണ്. സുരേഷ് ഗോപി കുറച്ചൂടി സീരിയസാണ്. കലാഭവന്‍ മണി വളരെ ഇമോഷണലായ ഒരു വ്യക്തിയാണ്’. ഇന്ദ്രജ പറയുന്നു
ഗുരുവിനൊപ്പം ഒരു ഡാന്‍സ് പ്രോഗ്രാം, മമ്മൂട്ടിക്കൊപ്പം ഒരു പോലീസ് വേഷം, മോഹന്‍ലാലിന്‍റെ നായിക വേഷം, ഭര്‍ത്താവിനൊപ്പം ഒരു സീരിയല്‍, ഇതില്‍ ഏതു തെരഞ്ഞെടുക്കും എന്ന് ചോദിച്ചപ്പോഴും ഇന്ദ്രജയ്ക്ക് മറുപടിയുണ്ടായിരുന്നു. തനിക്ക് മോഹന്‍ലാലിന്‍റെ നായിക വേഷം മതിയെന്നായിരുന്നു ഒരു ടിവി ഷോയില്‍ താരം വ്യക്തമാക്കിയത്.
Post Your Comments