മലയാളികളുടെ പ്രിയ നടൻ ജയറാമിന്റയെ പിറന്നാൾ ദിനമാണ് ഇന്ന്. 1988 ല്‍ പത്മരാജന്‍ ചിത്രം അപരനിലൂടെ അരങ്ങേറിയ ജയറാം എന്ന് മലയാളത്തില്‍ മാത്രമല്ല തെന്നിന്ത്യമൊത്തം ആരാധകരുള്ള വലിയ താരമാണ്. പ്രിയ താരത്തിന്‍റെ ജന്മദിനത്തില്‍ ആശംസകള്‍ നേരുകയാണ് സിനിമാ ലോകവും ആരാധകരും. ജയറാമിന് ലഭിച്ച ആശംസകളില്‍ ഏറ്റവും മനോഹരമായത് മക്കളായ കാളിദാസിന്‍റെയും മാളവികയുടെയും പോസ്റ്റുകളാണ്.
കുട്ടിക്കാലത്ത് അപ്പയുമൊത്തുള്ള ചിത്രങ്ങളാണ് രണ്ട് പേരും സോഷ്യല്‍ മീഡിയയില്‍ പങ്കുവച്ചിട്ടുള്ളത്. കൊച്ചു കൊച്ചു സന്തോഷങ്ങളിലെ ചിത്രമാണ് കാളിദാസ് പങ്കുവച്ചത്. 55-ാം ജന്മദിനമാണ് ജയറാം ഇന്ന് ആഘോഷിക്കുന്നത്. സിനിമാ താരങ്ങളായ കുഞ്ചാക്കോ ബോബനടക്കമുള്ള താരങ്ങളും ജയറാമിന് ആശംസ നേര്‍ന്നു കൊണ്ട് സോഷ്യല്‍ മീഡിയയില്‍ പോസ്റ്റുകള്‍ പങ്കുവെച്ചിട്ടുണ്ട്.
1964 ഡിസംബര്‍ 10 നായിരുന്നു ജയറാമിന്‍റെ ജനനം. പെരുമ്പാവുരാണ് ജന്മനാട്. ആദ്യ ചിത്രമായ അപരനിലൂടെ തന്നെ ജയറാം അഭിനയ മികവ് തെളിയിച്ചു. മിമിക്രിയിലെ പരിചയ സമ്പത്ത് താരത്തെ ഹാസ്യ രംഗങ്ങളില്‍ തിളങ്ങാന്‍ സഹായിച്ചു. മികച്ച സിനിമകളിലൂടെയും കഥാപാത്രങ്ങളിലൂടെയും അതിവേഗം ജയറാം കുടുംബ പ്രേക്ഷകരുടെ പ്രിയങ്കരനായി മാറുകയായിരുന്നു. മലയാളം കടന്ന് തമിഴിലും തെലുങ്കിലും ജയറാം അഭിനയിച്ചിട്ടുണ്ട്. പട്ടാഭിരാമനാണ് താരത്തിന്റയെ അവസാനമായി പുറത്തിറങ്ങിയ ചിത്രം.
Post Your Comments