മെഗാസ്റ്റാർ മമ്മൂട്ടി വീണ്ടും ചരിത്ര നായകനാവുന്ന ബ്രെഹ്‌മാണ്ഡ സിനിമയാണ് മാമാങ്കം. മുൻപ്, വിഖ്യാത മലയാള എഴുത്തുകാരൻ എം ടി വാസുദേവൻ നായരുടെ തിരക്കഥയിലൊരുങ്ങിയ പഴശ്ശിരാജ, ജനകീയ സിനിമ പ്രേക്ഷകരെയും ക്ലാസിക് സിനിമ പ്രേക്ഷകരെയും ഒന്നുപോലെ കീഴടക്കിയിരുന്നു. അതുകൊണ്ട്, ‘മാമാങ്കം’ എന്ന ചിത്രത്തിനുമേലും വലിയ പ്രതീക്ഷയാണ് ആരാധകർക്കുള്ളത്. ചിത്രത്തിന്റെ പ്രൊമോ ഗാനം ഇപ്പോൾ അണിയറപ്രവര്‍ത്തകര്‍ പുറത്തുവിട്ടിരിക്കുകയാണ്. ആലാപനശൈലിയില്‍ വലിയ പുതുമ പുലര്‍ത്തുന്ന ഈ ഗാനത്തിന് വൻ വരവേൽപ്പാണ് ഇപ്പോൾ ലഭിച്ചുകൊണ്ടിരിക്കുന്നത്.
മാമാങ്കത്തിലെ ചിത്രീകരണരംഗങ്ങള്‍ ഉള്‍പ്പെടുത്തിയിട്ടുള്ള പ്രൊമോ ഗാനമാണ് പുറത്തു വന്നിരിക്കുന്നത്.
മലയാളത്തിലെ ആദ്യ അമ്പതുകോടി ബജറ്റ് ചിത്രമായ മാമാങ്കം സംവിധാനം ചെയ്തിരിക്കുന്നത് എം പത്മകുമാറാണ്. കണ്ണൂര്‍, ഒറ്റപ്പാലം, എറണാകുളം, വാഗമണ്‍ തുടങ്ങിയ പ്രദേശങ്ങളിലായിരുന്നു ചിത്രത്തിന്റെ ചിത്രീകരണം പൂർത്തീകരിച്ചത്.
തമിഴ്, തെലുങ്ക്, ഹിന്ദി മുതലായ ഇതര ഭാഷകളിലും ഈ മലയാള ചിത്രം പ്രദർശനത്തിനെത്തുന്നുണ്ട്.
ഉണ്ണി മുകുന്ദന്‍, കനിഹ, അനു സിത്താര, സുരേഷ് കൃഷ്ണ, സിദ്ദീഖ്, തരുണ്‍ അറോറ, സുദേവ് നായര്‍, പ്രാചി തഹ്ലാന്‍, കവിയൂര്‍ പൊന്നമ്മ, മണിക്കുട്ടന്‍, ഇനിയ, മണികണ്ഠന്‍ ആചാരി മുതലായവർ സിത്രത്തിലെ പ്രധാന വേഷങ്ങൾ കൈകാര്യം ചെയ്യുന്നു. കാവ്യാ ഫിലിംസിന്റെ ബാനറില്‍ പ്രവാസി വ്യവസായിയായ വേണു കുന്നപ്പള്ളിയാണ് ഈ പുതിയ ചിത്രത്തിന്റെ നിര്‍മ്മാണം നിർവ്വഹിക്കുന്നത്.
ഡിസംബര്‍ പന്ത്രണ്ടിന് ഈ ചിത്രം തീയ്യേറ്ററുകളിലെത്തും.
Post Your Comments