മലയാളികളുടെ പ്രിയനടൻ കുഞ്ചാക്കോ ബോബൻ നായകനായ പുതിയ ക്രൈം ത്രില്ലറിന്റെ റിലീസിംഗ് തിയതി പ്രഖ്യാപിച്ചു. കുഞ്ചോക്കോ ബോബൻ തന്നെയാണ് ഫേസ്ബുക്ക് പോസ്റ്റിലൂടെ ഇക്കാര്യം വ്യക്തമാക്കിയത്.
‘അഞ്ചാം പാതിരാ’ എന്നാണ് ഈ ചിത്രത്തിന് പേരിട്ടിരിക്കുന്നത്. സംവിധായകൻ മിഥുന്‍ മാനുവല്‍ തോമസ് ഒരുക്കുന്ന ഈ ഏറ്റവും പുതിയ ക്രൈം ത്രില്ലർ ജനുവരി പത്തിനാണ് തീയ്യേറ്ററുകളില്‍ എത്തുക.
സംവിധായകൻ മിഥുന്‍ മാനുവല്‍ ഒരുക്കുന്ന ആദ്യ ക്രൈം ത്രില്ലര്‍ ചിത്രം കൂടിയാണിത്. ചിത്രത്തിൽ ഒരു അന്വേഷണ ഉദ്യോഗസ്ഥന്റെ വേഷത്തിലാണ് കുഞ്ചാക്കോ ബോബന്‍ എത്തുന്നത്. ശ്രീനാഥ് ഭാസി, ഉണ്ണിമായ പ്രസാദ്, ജിനു ജോസഫ്, ഷറഫുദ്ധീന്‍, ഇന്ദ്രന്‍സ്, രമ്യാ നമ്ബീശന്‍ മുതലായവരാണ് ചിത്രത്തിലെ മറ്റ് പ്രധാന താരങ്ങള്‍.
‘അര്‍ജന്റീന ഫാന്‍സ് കാട്ടൂര്‍ക്കടവ്’ എന്ന വിജയ ചിത്രത്തിന് ശേഷം മിഥുന്‍ മാനുവല്‍ ഒരുക്കുന്ന ചിത്രമാണിത്. ആട്, ആന്‍മരിയ കലിപ്പിലാണ്, അലമാര, ആട് 2 എന്നിവയാണ് മിഥുന്റെ സംവിധാന മികവിൽ പിറന്ന മറ്റു ചിത്രങ്ങള്‍. ആഷിക്ക് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിക്ക് ഉസ്മാന്‍ തന്നെയാണ് പുതു ചിത്രത്തിന്റെ നിര്‍മ്മാണം നിർവ്വഹിക്കുന്നത്.
Post Your Comments