രാത്രി രണ്ടാമത്തെ ഷോയും കഴിഞ്ഞു വന്നവരാണ് ശ്രദ്ധിച്ചത്, പരിശോധയ്ക്കെത്തിയ പോലീസ് ജീപ്പിനടുത്ത്, ഏതോ ഒരു പരിചിത മുഖം കൂടി നിൽക്കുന്നുണ്ടല്ലോ..? പ്രമുഖ ബോളിവുഡ് നടി റാണി മുഖർജിയാണത്. കുറ്റം ചെയ്തത് കൊണ്ടൊന്നുമല്ലോ കേട്ടോ…, ഇത്രയും ഉത്തരവാദിത്വമുള്ള പണി ചെയ്തുകൊണ്ടിരിക്കുന്ന പൊലീസുകാരെ അഭിനന്ദിക്കാനാണ്.
താൻ നായികയാകുന്ന സിനിമ ‘മര്‍ദാനി 2’ പ്രദര്‍ശനത്തിന് ഒരുങ്ങുന്ന പശ്ചാത്തലത്തിലാണ് താരം പ്രശംസയുമായി രാത്രി ഡ്യൂട്ടിയുള്ള പൊലീസുകാരെതേടിയെത്തിയത്. ശിവാനി ശിവജി എന്ന പൊലീസ് ഉദ്യോഗസ്ഥയായിട്ടാണ് റാണി മുഖര്‍ജി ചിത്രത്തില്‍ അഭിനയിക്കുന്നത്. നേരത്തെ, ചിത്രത്തിന്റെ ഫോട്ടോകളൊക്കെ ഓണ്‍ലൈനില്‍ തരംഗമായിരുന്നു. യുവാക്കള്‍ നടത്തുന്ന കുറ്റകൃത്യങ്ങള്‍ക്ക് എതിരെ ആക്രമണകാരിയായ വനിതാ പോലീസ് ഉദ്യോഗസ്ഥയായിട്ടാണ് റാണി മുഖർജി മര്‍ദാനി 2ൽ എത്തുന്നത്.
പൊലീസ് സേനയുടെ ജാഗരൂകമായുള്ള ശ്രദ്ധ ഒരുപാട് കുറ്റകൃത്യങ്ങള്‍ തടയുന്നുണ്ട്. രാജ്യത്തെ എല്ലാ പൊലീസ് സേനയെയും ഞാൻ അഭിവാദ്യം ചെയ്യുന്നു. രാത്രിയില്‍ ഒരു നിമിഷം പോലും കണ്ണടക്കാതെ അവര്‍ നമ്മളെ സംരക്ഷിക്കുകയാണ്.- റാണി മുഖര്‍ജി പറയുന്നു.
മുൻപ് പുറത്തിറങ്ങിയ ചിത്രത്തിന്റെ ട്രെയിലറിന് വലിയ പ്രേക്ഷക പിന്തുണയാണ് ലഭിച്ചത്. പെണ്‍കുട്ടികളെ ലൈംഗികമായി പീഡിപ്പിച്ച് കൊലപ്പെടുത്തുന്ന യുവാവ് ആണ് ചിത്രത്തിലെ വില്ലൻ കഥാപാത്രം. അതിനെതിരെയുള്ള പോരാട്ടമാണ് ചിത്രത്തിലുടനീളമുള്ളത്.
പ്രദീപ് സര്‍ക്കാറാണ് മര്‍ദാനി സംവിധാനം ചെയ്‍തിരിക്കുന്നത്.
Post Your Comments