എന്റെ പ്രിയപ്പെട്ട പാപ്പാ ; ഭാര്യയ്ക്ക് ഹൃദയസ്പർശിയായി പിറന്നാൾ ആശംസ നേർന്ന് സംവിധായകൻ അറ്റ്ലി

വളരെ ചെറിയ കാലം കൊണ്ട് തൊട്ടതെല്ലാം പൊന്നാക്കിയ സംവിധായകനാണ് അറ്റ്ലി. വിരലിൽ എണ്ണാവുന്ന ചിത്രങ്ങൾ മാത്രമേ ഈ യുവ സംവിധായകന്റെ കൈകളിൽ ഉള്ളൂവെങ്കിലും ഇവയെല്ലാം ബോക്സോഫീസിൽ ഹിറ്റുകൾ സ്വന്തമാക്കിയതായിരുന്നു. ഏറ്റവും ഒടുവിൽ പുറത്തിറങ്ങിയ വിജയ്- അറ്റ്ലി ചിത്രമായ ബിഗിൽ തിയേറ്ററുകൾ ആഘോഷമാക്കുകയാണ്.

അണിയറയിൽ സിനിമ ചർച്ചകൾ പുരോഗമിക്കുമ്പോൾ ഭാര്യയുടെ പിറന്നാൾ ആഘോഷമാക്കുകയാണ് പ്രിയ സംവിധായകൻ. ഭാര്യയ്ക്കൊപ്പമുള്ള റൊമാന്റിക് ചിത്രങ്ങൾ പോസ്റ്റ് ചെയ്തു കൊണ്ടാണ് താരം ഹൃദയസ്പർശിയായ ആശംസ നേർന്നിരിക്കുന്നത്. ” ആദ്യം നമ്മൾ നല്ല സുഹൃത്തുക്കളായിരുന്നു. പിന്നെ നമ്മൾ വിവാഹിതരായി, തുടർന്ന് നീ എന്റെ ഭാര്യയായി. ഇപ്പോൾ നീ എന്റെ മകളും എന്റെ എല്ലാമെല്ലാമായി മാറുകയായിരുന്നു. എന്റെ പ്രിയപ്പെട്ട പാപ്പാ- താരം ട്വീറ്റ് ചെയ്തു.

 

We met v became friends then v got married u became my wife now ur my daughter and everything to me ❤️Wish u many more happy returns of the day my papa @priyaatlee ❤️❤️❤️ luv u forever and ever ❤️ pic.twitter.com/0ByzoHhm4d

— atlee (@Atlee_dir) December 6, 2019

ബിഗിലിനു ശേഷം ബോളിവുഡ് എൻട്രിയ്ക്കായി തയ്യാറെടുക്കുകയാണ് അറ്റ്ലി. കന്നി ചിത്രം തന്നെ ബോളിവുഡിലെ കിങ് ഖാൻ ഷാരൂഖ് ഖാനോടൊപ്പമാണ്. എന്നാൽ ചിത്രത്തെ കുറിച്ച് ഔദ്യോഗിക പ്രഖ്യാപനം ഇതുവരെ ഉണ്ടായിട്ടില്ല.