തെലങ്കാന സംഭവത്തില്‍ പോലീസിനെ അഭിനന്ദിച്ച് കൊണ്ട് രംഗത്തെത്തിയ നടന്‍ ഉണ്ണി മുകുന്ദന് മറുപടിയുമായി സോഷ്യല്‍ മീഡിയ. തെലങ്കാനയില്‍ യുവതിയെ പീഡിപ്പിച്ച ശേഷം തീ കൊളുത്തി കൊന്ന കേസിലെ പ്രതികളെ ഏറ്റുമുട്ടലില്‍ വധിച്ച പോലീസിനെ അഭിനന്ദിച്ചു കൊണ്ട് ഉണ്ണി മുകുന്ദന് നേരത്തെ ഫെയ്സ്ബുക്കില്‍ പോസ്റ്റ് ചെയ്തിരുന്നു. ഈ പോസ്റ്റിന്‍റെ കമന്‍റിലാണ് താരത്തിനെതിരെ ചിലര്‍ രംഗത്തെത്തിയത്.
ഉണ്ണി മുകുന്ദനെതിരെ യുവതി നല്‍കിയ പീഡനശ്രമ കേസ് ഓര്‍മ്മിപ്പിച്ചു കൊണ്ടാണ് സോഷ്യല്‍ മീഡിയ താരത്തിന് മറുപടി നല്‍കുന്നത്. രണ്ട് വര്‍ഷം മുമ്പാണ് ഉണ്ണി മുകുന്ദനെതിരെ പീഡനകേസുമായി തിരക്കഥാകൃത്തായ യുവതി പോലീസിനെ സമീപിക്കുന്നത്. പിന്നാലെ യുവതി തന്നെ ബ്ലാക്ക് മെയില്‍ ചെയ്ത് പണം തട്ടാന്‍ ശ്രമിക്കുകയാണെന്ന് ആരോപിച്ച് ഉണ്ണി മുകുന്ദനും പരാതി നല്‍കിയിരുന്നു. തനിക്കെതിരായ ആരോപണവും താരം തള്ളിയിരുന്നു. ഈ കേസിനെ ഓര്‍മ്മപ്പെടുത്തുകയാണ് സോഷ്യല്‍ മീഡിയ.
തെലങ്കാന പോലീസിനെ അഭിനന്ദിച്ചു കൊണ്ടായിരുന്നു ഉണ്ണി മുകുന്ദന് സോഷ്യല്‍ മീഡിയയിലൂടെ പ്രതികരിച്ചത്. പോലീസ് എന്നതിന്‍റെ പൂര്‍ണ്ണരൂപം എന്താണെന്ന് പറഞ്ഞു കൊണ്ടായിരുന്നു താരത്തിന്‍റെ പോസ്റ്റ്. ഉച്ചത്തില്‍, വ്യക്തമായി എന്നും ഉണ്ണി മുകുന്ദന് പോസ്റ്റില്‍ കുറിച്ചിരുന്നു. കൂടാതെ ഏറ്റുമുട്ടലില്‍ പ്രതികള്‍ കൊല്ലപ്പെട്ടെന്ന വാര്‍ത്തയും താരം പങ്കുവച്ചിട്ടുണ്ട്.
Post Your Comments