തമിഴ് സിനിമ ലോകത്തെ ഇഷ്ട ഹാസ്യതാരം സന്താനം നായകനാവുന്ന ഏറ്റവും പുതിയ ചിത്രത്തിന്റെ ടീസർ പുറത്ത്. സന്താനത്തെ നായകനാക്കി സംവിധായകൻ വിജയ് ആനന്ദ് ഒരുക്കുന്ന ആക്‌ഷൻ കോമഡി ചിത്രം ‘ദഗാൾടി’യുടെ ടീസറാണ് അണിയറപ്രവർത്തകർ പുറത്ത് വിട്ടിരിക്കുന്നത്. റിതിക സെൻ ആണ് ചിത്രത്തിലെ നായിക. യോഗി ബാബു, തരുൺ അരോറ, മനോ ബാല, രാധാരവി തുടങ്ങിയ പ്രമുഖ താരനിരതന്നെ സിനിമയിൽ അണിനിരക്കുന്നുണ്ട്.
സന്താനത്തിന്റെ എല്ലാ സിനിമകളെയും പോലെ രസകരമായ കൗണ്ടർ കോമ‍ഡികൾക്ക് പ്രാധാന്യം നൽകുന്ന ചിത്രം കൂടിയാണിത്. ചിത്രത്തിന്റെ ടീസറിലാകട്ടെ പ്രമുഖ സംവിധായകന്മാരായ അറ്റ്‌ലിയെയും സിരുത്തൈ സിവയെയും സന്താനം ട്രോളുന്നതായി കാണാം.
സന്താനത്തിന്റെ നിർമാണത്തിൽ താരം തന്നെ നായകനായി അഭിനയിച്ച ഏറ്റവും അവസാനത്തെ ചിത്രമായ ‘ദില്ലുക്ക് ഡുട്ടു’ എന്ന ചിത്രം ബോക്സ് ഓഫീസിൽ വൻ ഹിറ്റായിരുന്നു. പുതിയ ചിത്രവും അത്തരത്തിൽ പ്രേക്ഷകരെ ചിരിപ്പിച്ചു ച്ചിരിപ്പിച്ചു കയ്യിലെടുക്കുമോ എന്ന ആകാംക്ഷയിലാണ് ആരാധകർ.
Post Your Comments