ലോകമെമ്പാടുമായി നിരവധി ആരാധകരുളള താരമാണ് മോഹന്‍ലാല്‍. ലാലേട്ടന്റെ സിനിമകള്‍ക്കായെല്ലാം ആകാംക്ഷകളോടെയാണ് ആരാധകർ കാത്തിരിക്കുന്നത്. മലയാളികള്‍ക്ക് പുറമെ മറ്റ് ഭാഷകളിലുളളവരും നടനോടുളള ആരാധന മുന്‍പ് തുറന്നുപറഞ്ഞിരുന്നു.
ഇപ്പോഴിതാ അടുത്തിടെ നടന്നൊരു പരിപാടിയില്‍ മോഹന്‍ലാലിനെക്കുറിച്ച് കന്നട താരം രക്ഷിത് ഷെട്ടി പറഞ്ഞ കാര്യങ്ങളാണ് സോഷ്യൽ മീഡിയയിൽ ചർച്ച വിഷയമായിരിക്കുന്നത്. മലയാളത്തിലെ തന്റെ ഇഷ്ടതാരം മോഹന്‍ലാല്‍ ആണെന്നാണ് രക്ഷിത് ഷെട്ടി പറഞ്ഞത്. യാതൊരു സംശയവും വേണ്ട. അത് മോഹന്‍ലാല്‍ സര്‍ ആണ്. ഇന്ത്യന്‍ സിനിമയിലെ എറ്റവും മികച്ച നടന്മാരിലൊരളാണ് അദ്ദേഹം. മാസ് കൊമേര്‍സ്യല്‍, ക്ലാസ് ഓഫ് ബീറ്റ് ചിത്രങ്ങള്‍ എന്നിവ ഒരേ അനായസതയോടെ ചെയ്യുന്ന നടനാണ് അദ്ദേഹമെന്നും തനിക്ക് ഏറെ ആരാധനയുണ്ടെന്നും രക്ഷിത് ഷെട്ടി പറഞ്ഞു.
കന്നഡത്തില്‍ നിരവധി ശ്രദ്ധേയ സിനിമകളിലൂടെ മുന്‍നിര താരമായി ഉയര്‍ന്ന നടനാണ് രക്ഷിത് ഷെട്ടി. കിറിക് പാര്‍ട്ടി, ഉളളിടവരു കണ്ടന്തേ തുടങ്ങിയവ നടന്റെതായി വലിയ ഹിറ്റായി മാറിയ ചിത്രങ്ങളാണ്.
Post Your Comments