ആറുവർഷത്തെ നീണ്ട ഇടവേളയ്ക്ക് ശേഷം പൂർണ നടൻ മോഹൻലാൽ – സിദ്ദിഖ് കൂട്ടുകെട്ടിൽ മറ്റൊരു ആക്ഷൻ ചിത്രം കൂടി പുറത്ത് വരുവാൻ ഒരുങ്ങുകയാണ്. ‘ബിഗ് ബ്രദർ’ എന്ന ഈ പുതിയ ചിത്രത്തിന്റെ ഇന്നലെ പുറത്ത് വന്ന മോഷൻ പിക്ച്ചറാണ് ഇപ്പോൾ സമൂഹമാധ്യമങ്ങളിൽ തരംഗം സൃഷ്ടിച്ചിരിക്കുന്നത്.
ഹീ ഈസ് ഓൺ ബോർഡ്..! എന്ന ഉശിരൻ ഡയലോഗുമായിട്ടാണ് മോഷൻ പിക്ച്ചർ എത്തിയിരിക്കുന്നത്.
നേരെത്തെ പുറത്തിറങ്ങിയ മോഹൻലാൽ ആക്ഷൻ സിനിമയായ ലൂസിഫർ വൻ ഹിറ്റായാതിനാൽ അതിനുമപ്പുറത്തെക്കുള്ള ഒരു ആക്ഷനും പഞ്ചു ഡയലോഗുകളും സാമ്പത്തിക വിജയവുമൊക്കെയാണ് മോഹൻലാൽ ആരാധകർ ഈ സിനിമയിൽ നിന്നും പ്രതീക്ഷിക്കുന്നത്.
ആക്ഷൻ കോമഡി വിഭാഗത്തിൽ ഒരുങ്ങുന്ന ചിത്രത്തിൽ മൂന്ന് നായികമാരാണ്. ലാലേട്ടനോടൊപ്പം ബോളിവുഡ് താരം സൽമാൻഖാന്റെ സഹോദരനും നടനുമായ അർബാസ് ഖാനും പ്രധാനവേഷത്തിലെത്തുന്നുണ്ട്. തെന്നിന്ത്യന്‍ നടി റജീന കസാന്‍ഡ്ര, സത്ന ടൈറ്റസ്, ജനാര്‍ദ്ദനന്‍, സിദ്ദിഖ്, വിഷ്ണു ഉണ്ണികൃഷ്ണന്‍, അനൂപ് മേനോന്‍, ചെമ്പന്‍ വിനോദ്, ടിനി ടോം, ജൂണ്‍ ഫെയിം സര്‍ജാനോ ഖാലിദ് തുടങ്ങിയവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.
എസ് ടാക്കീസിന്റെ ബാനറില്‍ ജെന്‍സോ ജോസും വൈശാഖ സിനിമയുടെ ബാനറിലാണ് ചിത്രം നിര്‍മിക്കുന്നത്. 2020 പുതുവർഷം പിറക്കുമ്പോഴായിരിക്കും ചിത്രം പ്രദർശനത്തിനെത്തുക. ഇട്ടിമാണി മെയ്ഡ് ഇൻ ചൈനയാണ് ഏറ്റവും ഒടുവിൽ പുറത്തു വന്ന മോഹൻലാൽ ചിത്രം
Post Your Comments