മലയാള സിനിമയിലെ സകലകലാവല്ലഭന്‍ എന്ന വിളിപ്പേരുള്ള വിനീത് ശ്രീനിവാസന്‍ പുതു തലമുറയിലെ ബാലചന്ദ്രമേനോന്‍ എന്ന വിളിപ്പേരിലും ശ്രദ്ധേയനാണ്. നടന്‍, തിരക്കഥാകൃത്ത്,ഗായകന്‍, സംവിധായകന്‍, നിര്‍മ്മാതാവ് അങ്ങനെ എല്ലാ നിലയിലും വിനീത് ശ്രീനിവാസന്‍ മലയാള സിനിമയില്‍ നിറഞ്ഞു നില്‍ക്കുകയാണ്. ജേക്കബ്ബിന്റെ സ്വര്‍ഗ്ഗരാജ്യത്തിന് ശേഷം വിനീത് ശ്രീനിവാസന്‍ തന്റെ പുതിയ ചിത്രം പ്രഖാപിച്ചിരിക്കുകയാണ്. താന്‍ പഠിച്ച ചെന്നൈയിലെ ക്യാമ്പസ് പ്രമേയമാക്കി പറയുന്ന ചിതം വലിയ ക്യാന്‍വാസില്‍ ഒരുക്കുന്ന സിനിമയായിരിക്കും എന്ന് മാത്രമാണ് വിനീത് ഇത് വരെ അറിയിച്ചിട്ടുള്ളത്.ചിത്രത്തിന്റെ പേര് പോലും പുറത്ത് പറയാറായിട്ടില്ല എന്ന് പറയുന്ന വിനീതിന്റെ പുതിയ ചിത്രം പുതുമുഖങ്ങള്‍ക്ക് പ്രാധാന്യം നല്‍കുന്ന സിനിമയാണെന്നാണ് പുറത്തെ സംസാരം.
ഇപ്പോള്‍ നടന്‍ എന്ന ലേബലില്‍ നിന്നും മാറി മലയാളത്തിന്റെ പുതിയ ഹിറ്റ് ചിത്രമായ ‘ഹെലന്‍’ എന്ന സിനിമയുടെ നിര്‍മ്മാതാവിന്റെ റോളിലാണ് വിനീത് കയ്യടി നേടുന്നത്. ചിത്രത്തിന്റെ സംവിധായകനും തന്റെ മുന്‍ സിനിമയുടെ നിര്‍മ്മാതാവും ഹെലനിലെ ഹീറോ വേഷം ചെയ്ത നോബിളും തന്റെ അഭിപ്രായം അറിയാന്‍ വേണ്ടി മാത്രമാണ് കഥ പറഞ്ഞതെന്നും കഥ കേട്ട ശേഷം സിനിമ താന്‍ നിര്‍മ്മിച്ചോട്ടെ എന്ന് അങ്ങോട്ട്‌ ചോദിക്കുകയായിരുന്നുവെന്നും വിനീത് ഒരു മീഡിയയ്ക്ക് നല്‍കിയ അഭിമുഖത്തില്‍ തുറന്നു പറയുന്നു. മാഹിയുടെ അന്യദേശമായ തലശ്ശേരിക്കാരനായിട്ടും താന്‍ മദ്യപിക്കുന്ന സ്വഭാവക്കാരനല്ലെന്നായിരുന്നു അവതാരകയുടെ ചോദ്യത്തിനുള്ള വിനീതിന്റെ വിനീതമായ മറുപടി.
Post Your Comments