സീരിയല്‍ നിര്‍ത്തണമെന്ന് പറയുന്നവർ ഇവരുടെ അധ്വാനത്തിന് കുറിച്ചും അറിയണം ; ഫേസ്ബുക്ക് കുറിപ്പുമായി ജിഷിന്‍ മോഹന്‍

മലയാള സിനിമ സീരിയൽ രംഗത്ത് സജീവ സാന്നിധ്യമായ താരമാണ് ജിഷിന്‍ മോഹന്‍. നിരവധി സീരിയൽ കഥാപത്രങ്ങളിലൂടെ പ്രേക്ഷകഹൃദയം കീഴടക്കിയ താരം കൂടിയാണ് ജിഷിന്‍. ആരാധകരുടെ സ്‌നേഹം ഏറ്റുവാങ്ങിപോഴും താനടക്കമുള്ള നിരവധി കലാകാരന്‍മാര്‍ നില്‍ക്കുന്ന സീരിയല്‍ മേഖലയെ തള്ളിപ്പറയുന്നവരോട് താരത്തിന് ചിലത് പറയാനുണ്ട്.

സോഷ്യല്‍ മീഡിയയില്‍ പങ്കുവച്ച ചില ചിത്രങ്ങള്‍ക്കൊപ്പമുള്ള കുറിപ്പിലാണ് ജിഷിന്‍ മനസുതുറന്നത്. ക്യാമറയ്ക്ക് മുന്നില്‍ എത്തുന്നവര്‍ മാത്രമല്ല ക്യാമറയ്ക്ക് പിറകില്‍ അധ്വാനിക്കുന്നവരെ കുറിച്ചും നമ്മള്‍ അറിയണമെന്ന് ജിഷിന്‍ പറയുന്നു.

‘ഇവരുടെ കൂടി അധ്വാനത്തിന്റെ ഫലമാണ് ഓരോ സീരിയലും, സിനിമയും. സീരിയല്‍ നിര്‍ത്തണം എന്ന് മുറവിളി കൂട്ടുന്നവര്‍ അറിയുക ഞങ്ങളുടെ മാത്രമല്ല, ഇത്തരത്തില്‍ 45ലധികം വരുന്നവരുടെ ഉപജീവനം കൂടിയാണ് സീരിയല്‍.’ഞാന്‍ ഇവരുടെയെല്ലാം തൊഴിലിനെ ബഹുമാനിക്കുന്നുവെന്നും ജിഷിന്‍ കുറിക്കുന്നു

താരത്തിന്റയെ കുറിപ്പിന് നിരവധി പേര്‍ പിന്തുണയറിയിക്കുന്നുണ്ട്. അതേസമയം തന്നെ സീരിയലുകള്‍ റിയലസ്റ്റിക് ആകണമെന്നും വസ്ത്രാലങ്കാരങ്ങളിലും മറ്റും തന്മയത്തം വേണമെന്നും ചിലര്‍ കമന്റില്‍ പറയുന്നു.

കുറിപ്പിങ്ങനെ…

ക്യാമറക്കു മുന്നിൽ മാത്രമല്ല, ക്യാമറക്കു പുറകിൽ പ്രവർത്തിക്കുന്ന ഇവരുടെയും കൂടെ അധ്വാനത്തിന്റെ ഫലമാണ് ഓരോ സീരിയലും, സിനിമയും. സീരിയൽ നിർത്തണം എന്ന് മുറവിളി കൂട്ടുന്നവരോട് ഒരു വാക്ക്. നമ്മുടെ മാത്രമല്ല, ഇതുപോലുള്ള നാല്പത്തിഅഞ്ചോളം പേരുടെ വരുമാന മാർഗ്ഗം കൂടിയാണ് ഓരോ സീരിയലും. I respect them. Respect their work. ? From the location പൂക്കാലം വരവായി