ബോളിവുഡ് നടിയും മോഡലും അവതാരകയുമൊക്കെയാണ് ഷെനാസ്. എന്നാല്‍ മറ്റൊരു മേഖലയിലും താരം പ്രശസ്തയാണ്. എന്തണെന്നല്ലേ? യാത്രകളാണ് അത്. നൂറിലേറെ രാജ്യങ്ങള്‍ സന്ദര്‍ശിച്ചു കഴിഞ്ഞ ഷെനാസിന്റ വ്ലോഗിന്റെ പേരാണ് ഷെനാസ് ട്രഷറിവാല. ഷെനാസ് കൂടുതലും തനിച്ചുള്ള യാത്രകളാണ് ചെയ്യാറുള്ളത്. താരത്തിന്റെ മാലദ്വീപ് സന്ദര്‍ശന വിഡിയോകളും സോഷ്യല്‍ മീഡിയയില്‍ തരംഗമാണ്.
സന്തോഷത്തോടെ ജീവിക്കാന്‍ ആഗ്രഹിക്കുന്നയാളാണു ഞാന്‍. യാത്രകള്‍ എന്നെ ഏറെ സന്തോഷിപ്പിക്കുന്നു. അതിനായി ചെലവാക്കുന്ന പണത്തിന്റെ കണക്കു നോക്കാറില്ല. ലോക സഞ്ചാരമാണ് ഇപ്പോള്‍ ജീവിത ലക്ഷ്യമെന്നു പോലും പറയാന്‍ മടിയില്ല. ഉത്തരവാദിത്ത്വമുള്ള യാത്രിക എന്ന പേരില്‍ അറിയപ്പെടാനാണ് എന്റെ ആഗ്രഹം. ഇതിനകം നൂറിലേറെ രാജ്യങ്ങള്‍ സന്ദര്‍ശിച്ചു. ഓരോ രാജ്യവും സമ്മാനിക്കുന്ന പുതുമയും കൗതുകവും ഞാന്‍ ആസ്വദിക്കുന്നു” – ഷെനാസ് പറയുന്നു.
ഒറ്റയ്ക്ക് ലോകം ചുറ്റി നടക്കുന്ന സ്ത്രീയെന്ന നിലയില്‍ ഏറെ സന്തോഷവതിയാണെന്നും വിദേശ രാജ്യങ്ങളിലൊക്കെ ചെല്ലുമ്പോള്‍ വളരെ ആദരവോടെയും ബഹുമാനത്തോടെയുമാണ് തന്നെ കാണുന്നതെന്നും ഷെനാസ് പറയുന്നു.
Post Your Comments