എണ്‍പതുകളില്‍ തെന്നിന്ത്യന്‍ സിനിമാലോകത്ത് തിളങ്ങി നിന്ന താരങ്ങളെല്ലാം ഒരുമിച്ച് കൂടിയിരിക്കുകയാണ്. തെലുങ്ക് താരം ചിരഞ്ജീവിയുടെ വീട്ടില്‍ വെച്ചായിരുന്നു ഇത്തവണത്തെ ഇവരുടെ ഒത്തുചേരൽ. റുപ്പും ഗോള്‍ഡന്‍ നിറവും ചേര്‍ന്ന തീം ആയിരുന്നു വസ്ത്രത്തിന് വേണ്ടി താരങ്ങള്‍ തിരഞ്ഞെടുത്തത്. ഒത്തുചേരലിന്റയെ ചിത്രങ്ങളെല്ലാം തന്നെ താരങ്ങൾ സോഷ്യൽ മീഡിയയിൽ പങ്കുവെച്ചിരുന്നു. ഇപ്പോഴിതാ മോഹന്‍ലാലിന്റെയും നടി മേനകയുടെയും രസകരമായ ഒരു വിഡിയോയാണ് സോഷ്യൽ മീഡിയയിൽ തരംഗമായിരിക്കുന്നത്.
View this post on Instagram
ഇരുവരും തമ്മില്‍ ചന്ദ്രികയില്‍ അലിയുന്ന ചന്ദ്രകാന്തം എന്ന് തുടങ്ങുന്ന പാട്ട് പാടി ഡാന്‍സ് കളിക്കുന്ന വീഡിയോ ആണ് അത്. മോഹന്‍ലാല്‍ ഫാന്‍സുകാരാണ് വീഡിയോ ഏറ്റെടുത്തിരിക്കുന്നത്. ഒരു കാലത്ത് മലയാള സിനിമാപ്രേമികളുടെ ഏറ്റവും പ്രിയപ്പെട്ട താരജോഡികളായിരുന്നു മോഹന്‍ലാലും മേനകയും. പൂച്ചക്കൊരു മൂക്കുത്തി, ദൂരൈ ദൂരൈ ഒരു കൂടു കൂട്ടാം, എങ്ങനെ നീ മറക്കും, എന്റെ മോഹങ്ങള്‍ പൂവണിഞ്ഞു എന്നിങ്ങനെ ഒട്ടനവധി സിനിമകളില്‍ ഇരുവരും നായിക നായകന്മാരായി അഭിനയിച്ചിരുന്നു. പണ്ട് തകര്‍ത്തഭിനയിച്ച താരങ്ങളെ വീണ്ടും അതുപോലെ കാണാന്‍ കഴിഞ്ഞതിന്റെ സന്തോഷത്തിലാണ് ആരാധകര്‍.
Post Your Comments