മോഹന്‍ലാല്‍ മലയാള സിനിമയില്‍ സൂപ്പര്‍ താരമാകും മുന്‍പേ ‘ഇവിടെ തുടങ്ങുന്നു’ എന്ന ചിത്രത്തില്‍ എസ്ഐ കൃഷ്ണകുമാര്‍ എന്ന ശ്രദ്ധേയമായ ഒരു കഥാപാത്രത്തെ അദ്ദേഹം അവതരിപ്പിച്ചിരുന്നു. ആ സിനിമ വലിയ ഹിറ്റായതിനു പിന്നില്‍ മോഹന്ലാലിന്റെ ഗംഭീരമായ ഒരു പോസ്റ്റര്‍ ആയിരുന്നു. ബുള്ളറ്റില്‍ പോലീസ് വേഷത്തില്‍ നില്‍ക്കുന്ന മോഹന്ലാലിന്റെ ലുക്കിന് അന്നത്തെ യുവ പ്രേക്ഷകരെ തിയേറ്ററിലേക്ക് ആകര്‍ഷിക്കാനുള്ള തലയെടുപ്പ് ഉണ്ടായിരുന്നു. എന്നാല്‍ സിനിമയുടെ നിര്‍മ്മാതാവും വിതരണക്കാരും സിനിമയുടെ പോസ്റ്ററില്‍ മോഹന്‍ലാലിനെ മാറ്റി അന്നത്തെ കൗമാര പ്രണയ മനസ്സുകളുടെ ഹരമായിരുന്ന റഹ്മാനെയും രോഹിണിയേയും ഉള്‍പ്പെടുത്താനായിരുന്നു നിര്‍ദ്ദേശിച്ചത്. പക്ഷെ ‘ഇവിടെ തുടങ്ങുന്നു’ എന്ന ചിത്രത്തിന്റെ പരസ്യകല നിര്‍വഹിച്ച ഗായത്രി അശോക്‌ മോഹന്ലാലിന്റെ പോസ്റ്റര്‍ തന്നെ നിലനിര്‍ത്തി സിനിമയ്ക്ക് കൂടുതല്‍ പരസ്യം ചെയ്യണമെന്ന നിര്‍ദ്ദേശമാണ് മുന്നോട്ട് വെച്ചത്. അത് പിന്നീട് വലിയ രീതിയില്‍ ഗുണം ചെയ്തു. ‘എ’ ക്ലാസുകളില്‍ റിലീസ് ചെയ്ത ശേഷം സെക്കന്റ് റണ്ണിനായി ‘ബി ക്ലാസ്’ ‘സി ക്ലാസ്’ തിയേറ്ററിലേക്ക് ‘ഇവിടെ തുടങ്ങുന്നു’ എന്ന ചിത്രം വലിയ മാര്‍ക്കറ്റ് ഉണ്ടാക്കി. ചിത്രത്തിലെ മോഹന്ലാലിന്റെ പോലീസ് വേഷത്തിലുള്ള ബുള്ളറ്റിലെ ലുക്ക് ആയിരുന്നു അതിനു കാരണം.
1984-ല്‍ സൂപ്പര്‍ ഹിറ്റ് ഫിലിം മേക്കര്‍ ജെ.ശശികുമാര്‍ സംവിധാനം ചെയ്ത ചിത്രം മോഹന്ലാലിന്റെ സൂപ്പര്‍ താര വളര്‍ച്ചയ്ക്ക് വലിയ മൈലേജ് നല്‍കിയ സിനിമയായിരുന്നു. റഹ്മാന്‍, രോഹിണി, ബാലന്‍ കെ നായര്‍ തിക്കുറുശ്ശി സുകുമാരന്‍ നായര്‍ തുടങ്ങിയവരായിരുന്നു ചിത്രത്തിലെ മറ്റു താരങ്ങള്‍.
Post Your Comments