ഹാസ്യ സംഭവങ്ങൾ വെബ് സിരീസിലൂടെ അവതരിപ്പിച്ചു മലയാളി യുവത്വത്തിന്റെ ആരാധന ഏറ്റുവാങ്ങിയ സംഘമാണ് ‘കരിക്ക്’. പാട്ടുകള്‍ക്കുവേണ്ടി പുതിയൊരു യുട്യൂബ് ചാനലുമായി കരിക്ക് വീണ്ടും ആരാധകരുടെ അടുക്കലേക്ക് എത്തുകയാണ്. ‘കരിക്ക് ട്യൂണ്‍ഡ്’ എന്ന് പേരിട്ടിരിക്കുന്ന ചാനലിന്റെ ആദ്യ മ്യൂസിക് വീഡിയോ പ്രൊഡക്ഷന്‍ ഇതിനോടകം തന്നെ പുറത്തെത്തി, പ്രേക്ഷകരുടെ കൈയടിയും നേടിക്കഴിഞ്ഞു.
‘അരികേ വാ’ എന്നാരംഭിക്കുന്ന ഗാനത്തിൽ അഭിനയിച്ചിരിക്കുന്നത്, കരിക്കിന്റെ വെബ് സീരിസിലൂടെ നിരവധി ആരാധകരെ സമ്പാദിച്ച ലോലന്‍ എന്ന കഥാപാത്ര അവതരിപ്പിച്ച ശബരീഷ് സജിനാണ്. കരിക്കിന്റെ വെബ് സീരിസിൽ ഏറ്റവും കൂടുതൽ ഇഷ്ടക്കാരുള്ള താരമാണ് ശബരീഷ്. പി എസ് ജയഹരി സംഗീതം പകര്‍ന്നിരിക്കുന്ന പുതിയ ഗാനത്തിനായി വരികള്‍ എഴുതിയിരിക്കുന്നത് വിനായക് ശശികുമാറാണ്. ആന്‍ ആമിയാണ് ഗാനാലാപനം ചെയ്തിരിക്കുന്നത്. വീഡിയോയില്‍ കാമുകീകാമുകന്മാരായി എത്തിയിരിക്കുന്നത് ശബരീഷ് സജിനും ശിഖ സന്തോഷുമാണ്.
ഷിഹാസ് ഷാഹുലാണ് വീഡിയോ സംവിധാനം ചെയ്തിരിക്കുന്നത്. ഛായാഗ്രഹണം സുനില്‍ കാര്‍ത്തികേയന്‍. എഡിറ്റിംഗ് രാജ്കുമാര്‍.
Post Your Comments