കാളിദാസ് ജയറാം നായകനാവുന്ന ഏറ്റവും പുതിയ ചിത്രം ഹാപ്പി സര്‍ദാർ ഈ മാസം തീയേറ്ററുകളിലെത്തും. ഹസീബ് ഹനീഫ് നിർമിക്കുന്ന ചിത്രത്തിൽ ഗീതിക, സുദീപ് എന്നിവര്‍ ചേര്‍ന്നാണ് സംവിധാനം നടത്തിയിരിക്കുന്നത്. ഈ മാസം 28നായിരിക്കും ചിത്രം പ്രദര്‍ശനത്തിനെത്തുക. ഒരു പഞ്ചാബി സര്‍ദാറിന്റെയും മലയാളി ക്രിസ്റ്റ്യന്‍ പെണ്‍കുട്ടിയുടെയും പ്രണയകഥയാണ് ചിത്രം പറയുന്നത്. മെറിന്‍ ഫിലിപ്പാണ് ചിത്രത്തിലെ നായിക.
സിദ്ധിഖ്, ശ്രീനാഥ് ഭാസി,ബാലു വര്‍ഗീസ്,ശാന്തി കൃഷ്ണ,സുരാജ് വെഞ്ഞാറമൂട്,വിശാഖ് നായര്‍, രമേഷ് പിഷാരടി, ധര്‍മ്മജന്‍, പ്രവീണ, ബൈജു തുടങ്ങിയവരും ചിത്രത്തിലെ പ്രധാന വേഷങ്ങളിലെത്തുന്നുണ്ട്. ഗോപീ സുന്ദര്‍ സംഗീതം നിര്‍വ്വഹിക്കുന്ന ചിത്രത്തിന് ഷമീര്‍ മുഹമ്മദാണ് ചിത്ര സംയോജനം ചെയ്തിരിക്കുന്നത്.
ബോളിവുഡ് താരം ജാവേദ് ജാഫ്രിയും ഒരു പ്രധാനകഥാപാത്രമായി ചിത്രത്തിൽ വേഷമിടുന്നുണ്ട്.
Post Your Comments