സ്ത്രീ-പുരുഷ ബന്ധത്തിനകത്തേക്ക് സൂഷ്മമായി നോക്കുന്ന, സമകാലിക പ്രസക്തിയുള്ള വിഷയത്തെ ആസ്പദമാക്കിയ ഒരു ഞായറാഴ്ച്ച എന്ന സിനിമയുടെ ട്രെയിലർ പുറത്തിറങ്ങി. ശ്യാമപ്രസാദാണ് ചിത്രം സംവിധാനം ചെയ്തിരിക്കുന്നത്. ചന്ദ് ക്രിയേഷൻസിന്റെ ബാനറിൽ ജെ. ശരത് ചന്ദ്രൻ നിർമിച്ച ചിത്രം, ഈ വർഷത്തെ സംസ്ഥാന ചലച്ചിത്രവേദിയിൽ പ്രധാനപ്പെട്ട മൂന്ന് പുരസ്കാരങ്ങളാണ് കരസ്ഥമാക്കിയത്.
മികച്ച സംവിധായകൻ, മികച്ച രണ്ടാമത്തെ ചിത്രം , മികച്ച എഡിറ്റിങ് എന്നിവയ്ക്കായിരുന്നു ചിത്രം സംസ്ഥാന തല അവാർഡുകൾക്കർഹമായത്.
രണ്ട് കഥകള്‍ ചേർത്തുവച്ച ചെറിയ സിനിമയാണ് ‘ഒരു ഞായറാഴ്ച’. അണിയറയിലും സ്‌ക്രീനിലുമായി പുതുമുഖങ്ങളെ മാത്രം അണിനിരത്തി തയ്യാറാക്കിയ സിനിമ എന്ന പ്രത്യേകതയും ഇതിനുണ്ട്. മുരളി ചന്ദ്, മേഘ തോമസ്, ഡോ. സതീഷ്, സാലി വർമ, രാകേഷ് വർമ എന്നിവരാണ് പ്രധാന അഭിനേതാക്കൾ. കാമറ–മനോജ് നാരായണൻ, എഡിറ്റിങ്–അരവിന്ദ്‌ മന്മഥൻ, ഗാനരചന–മേഖ നായർ, സംഗീതം–ശ്യാമപ്രസാദ്.
ചിത്രം ഈ മാസം 29 ന് തിയറ്ററുകളിൽ എത്തും.
Post Your Comments