മലയാളത്തിന്റെ സൂപ്പർതാരമാണ് സുരേഷ് ഗോപി. കണ്ണൻ പെരുമലയൻ എന്ന കഥാപാത്രമായി സുരേഷ് ഗോപി മികച്ച പ്രകടനം കാഴ്ചവച്ചു മലയാളി മനസ്സുകളില്‍ ഇടം നേടിയ ചിത്രമാണ് ജയരാജ് സംവിധാനം ചെയ്ത ‘കളിയാട്ടം’. ഈ ചിത്രത്തിലെ അഭിനയത്തിന് താരത്തെ തേടി മികച്ച നടനുള്ള ദേശീയ പുരസ്കാരവും എത്തി. ഇപ്പോഴിതാ, വർഷങ്ങൾക്കു ശേഷം അപ്രതീക്ഷിതമായ മറ്റൊരു അംഗീകാരം കൂടി ചിത്രത്തിലെ കഥാപാത്രത്തിന് ലഭിച്ചിരിക്കുന്നു. സുരേഷ് ഗോപി തന്നെയാണ് തന്റെ ഫെയ്സ്ബുക്ക് പേജിലൂടെ ഈ കൗതുകം ആരാധകർക്കായി പങ്കുവച്ചത്.
വില്യം ഷേക്സ്പിയറിന്റെ ‘ഒഥല്ലോ’യുടെ ചുവട് പിടിച്ചാണ് ജയരാജ് ‘കളിയാട്ടം’ ഒരുക്കിയത്. ക്യൂൻസ് യൂണിവേഴ്സിറ്റിയിലെ ഇംഗ്ലീഷ് റീഡറായ മാർക് തോർട്ടൺ ബർമറ്റ് എഴുതി, കേംബ്രിഡ്ജ് യൂണിവേഴ്സിറ്റി പ്രസ് പ്രസിദ്ധീകരിച്ച, ‘ഷേക്സ്പിയർ ആൻഡ് വേൾഡ് സിനിമ’ എന്ന പുസ്തകത്തിന്റെ കവർ ചിത്രമായി ഉപയോഗിച്ചിരിക്കുന്നത് കളിയാട്ടത്തിലെ, സുരേഷ് ഗോപിയുടെ വേഷമാണ്.
Post Your Comments