യുവ നടന്‍ ഷെയിൻ നിഗത്തിനെതിരെ പരാതിയുമായി നിര്‍മ്മാതാവ് ജോബി ജോര്‍ജ് . സിനിമയില്‍ അഭിനയിക്കാന്‍ ഷെയ്ന്‍ എത്തുന്നില്ലെന്നാണ് പരാതി. ഇക്കാര്യം വ്യക്തമാക്കി ജോബി ജോര്‍ജ് പ്രൊഡ്യൂസേഴ്സ് അസോസിയേഷനാണ് പരാതി നല്‍കിയത്. തുടര്‍ച്ചയായി ഷൂട്ടിംഗ് മുടങ്ങുന്ന സാഹചര്യമാണെന്നും ഇതുമൂലം ലക്ഷങ്ങളുടെ നഷ്ടം ഷെയിൻ ഉണ്ടാക്കിയെന്നും ജോബി ജോര്‍ജ് പരാതിയില്‍ പറയുന്നത്.
പലപ്പോഴും കാരണം പറയാതെ സെറ്റിൽ നിന്നും ഷെയിന്‍ ഇറങ്ങിപോകും. ഈ മാസം 15 മുതൽ സെറ്റിൽ വന്നത് ചുരുക്കം സമയങ്ങളിൽ മാത്രം എന്ന്‌ വെയിൽ സിനിമ പ്രവർത്തകരും വ്യക്തമാക്കി. ജോബി ജോര്‍ജും ഷെയ്ന്‍ നിഗവും തമ്മിലുള്ള പ്രശ്നം നേരത്തെ സംഘടനകള്‍ ഇടപെട്ട് അവസാനിപ്പിച്ചിരുന്നു. എന്നാല്‍ പ്രശ്നങ്ങള്‍ പൂര്‍ണമായും പരിഹരിക്കപ്പെട്ടില്ലെന്നാണ് നിലവിലെ പരാതി വ്യക്തമാക്കുന്നത്.
എന്നാൽ ജോബിയുടെ വെയിൽ സിനിമ പൂർത്തിയാക്കാതെ മറ്റു സിനിമകളിൽ ഷെയ്‌നിനെ സഹകരിപ്പിക്കരുതെന്ന നിർദ്ദേശം നല്‍കിയിട്ടുണ്ടെന്നും അസോസിയേഷൻ വ്യക്തമാക്കി.
Post Your Comments