സോഷ്യൽ മീഡിയയിൽ ഇപ്പോൾ ചര്‍ച്ചയായിക്കൊണ്ടിരിക്കുന്നത് ഒരു കുഞ്ഞു താരത്തിന്റയെ ചിത്രമാണ്. പെണ്‍കുട്ടികളും ആണ്‍കുട്ടികളും ചേര്‍ന്നെടുത്ത ഫോട്ടോയില്‍ ഒരു താരമുണ്ടെന്നും അതാരെന്നു കണ്ടു പിടിക്കാമോ എന്ന ചോദ്യത്തോടെയാണ് സോഷ്യൽ മീഡിയയിലെ സിനിമാ ഗ്രൂപ്പുകളില്‍ ഫോട്ടോ തരംഗമാക്കുന്നത്. ഇതോടെ ഫോട്ടോ കണ്ടവരെല്ലാം ഓരോ കുട്ടിയുടെയും മുഖത്ത് മാറിമാറി നോക്കുകയാണ്. ഒടുവില്‍ ആ സുപരിചിതമുഖത്തെ കണ്ടെത്തി. അതെ, മലയാളികളുടെ പ്രിയ നടന്‍ ഫഹദ് ഫാസില്‍ തന്നെ.
1992ല്‍ പുറത്തു വന്ന പപ്പയുടെ സ്വന്തം അപ്പൂസില്‍ ബാലതാരമായി താരം മുഖം കാണിച്ചിരുന്നു. അതു കഴിഞ്ഞ് പത്തു വര്‍ഷങ്ങള്‍ക്കു ശേഷമാണ് 2002ല്‍ ഫാസിലിന്റെ കൈയെത്തും ദൂരത്ത് എന്ന സിനിമയില്‍ നായകനായി അഭിനയിക്കുന്നത്. സിനിമ വിജയിച്ചില്ല. പിന്നീട് അഭിനയത്തില്‍ നീണ്ട ഇടവേള എടുത്ത ഫഹദ് 2009ല്‍ കേരള കഫേയിലൂടെയാണ് വീണ്ടും അഭിനയരംഗത്ത് സജീവമാകുന്നത്.
Post Your Comments