തെന്നിന്ത്യയിലെയും ബോളിവുഡിലെയും താരങ്ങള്‍ ഒത്തുച്ചേര്‍ന്നപ്പോഴുളള ഒരു പുതിയ ചിത്രമാണ് ഇപ്പോൾ സോഷ്യൽ മീഡിയയിൽ തരംഗമാകുന്നത്. തെന്നിന്ത്യയില്‍ നിന്നും വിജയ് സേതുപതി, വിജയ് ദേവരകൊണ്ട, പാര്‍വ്വതി തിരുവോത്ത് തുടങ്ങിയ താരങ്ങളാണ് എത്തിയത്.
ബോളിവുഡില്‍ നിന്നും രണ്‍വീര്‍ സിങ്, മനോജ് ബജ്‌പേയി, ആയുഷ്മാന്‍ ഖുറാന, ദീപിക പദുകോണ്‍, ആലിയ ഭട്ട് തുടങ്ങിയവരും ഉണ്ടായിരുന്നു. ഫിലിം കംപാനിയനു വേണ്ടിയാണ് താരങ്ങളെല്ലാം ഒത്തുച്ചേര്‍ന്നത്. അധികപേരും അടിപൊളി വേഷത്തില്‍ എത്തിയപ്പോള്‍ സാധാരണ വേഷത്തിലാണ് വിജയ് സേതുപതി എത്തിയത്. ചിത്രത്തില്‍ മക്കള്‍സെല്‍വന്റെ വസ്ത്രധാരണം ശ്രദ്ധേയമായി മാറിയിരുന്നു.
ഒരു അനൗദ്യോഗിക ചര്‍ച്ചയ്ക്ക് വേണ്ടിയാണ് ഇവരെല്ലാം ഒത്തുകൂടിയതെന്ന് റിപ്പോര്‍ട്ടുകള്‍ സൂചിപ്പിക്കുന്നത്.
Post Your Comments