‘നടരാജ’ ഷോട്ടുമായി ആരാധകരെ ഞെട്ടിച്ച് രൺവീർ

കപിൽദേവിന്റെ നേതൃത്വത്തിൽ ‘ഇന്ത്യൻ ക്രിക്കറ്റ് ടീം 1983ൽ നേടിയ ലോകകപ്പ് വിജയം പ്രമേയമാക്കി ഒരുക്കുന്ന പുതിയ ചിത്രമാണ് 83.1983 ൽ ഇന്ത്യൻ ക്രിക്കറ്റിന്റെ അതിസാഹസികവും മനോഹരവുമായ വിജയം തിരശീലയ്ക്കു മുമ്പിൽ എത്തുമ്പോൾ രൺബീറാണ് ചിത്രത്തിലെ നായകനാകുന്നത്.ചിത്രത്തിൽ കപിൽ ദേവായി വേഷമിടുന്ന രൺവീർ സിങ് തന്റെ ഫസ്റ്റലുക്ക് പുറത്തുവിട്ടിരുന്നു..34 > ലാം പിറന്നാൾ ദിനത്തിലാണ് ആരാധകരെ ആവേശത്തിലാക്കി ഫസ്റ്റ്ലുക്ക് ‘പോസ്റ്റ് ചെയ്തത്‌. ചിത്രത്തിൽ കപിലിന്റെ ഭാര്യ റോമിദേവിന്റെ വേഷത്തിലെത്തുന്നത് ദീപിക പദുക്കോൺ ആണ്.

https://www.facebook.com/ecnewstv/videos/1232488490292388/

രൺവീറും ദീപികയും വിവാഹശേഷം ആദ്യമായി ഒന്നിക്കുന്ന ചിത്രം കൂടിയാണിത്.കബീർ ഖാൻ സംവിധാനം ചെയ്യുന്ന ചിത്രം നിർമ്മിക്കുന്നത് മധു മൻടേന ആണ്.കപിലിന്റെ കറുത്ത ചെകുത്താൻമാർ ലോകം കീഴടക്കിയതുപോലെ രൺവീറിന്റെ കരിയറിലെ മികച്ച പ്രകടനമാകുമിതെന്നാണ് ആരാധകരും പറയുന്നത്. 1983ൽ ഇന്ത്യ ലോകകപ്പ് നേടിയ കഥ പറയുന്ന ചിത്രത്തിലെ കപിലിന്റെ വേഷം ഉജ്വലമാക്കാൻ താരത്തിന് കഴിയുമെന്നാണ് കഴിഞ്ഞ ദിവസം പങ്കുവെച്ച ചിത്രത്തിൽ നിന്ന് വ്യക്തമാകുന്നത്. ഒറ്റക്കാലിൽ കറങ്ങി തിരിഞ്ഞുള്ള കപിലിന്റെ മാസ്റ്റർ പീസ് ഷോട്ടാണ് രൺവീർപങ്കുവെച്ചത്.നടരാജ മുദ്രയ്ക്ക് സമാനമായ നിൽപ്പിലുള്ള ഫോട്ടോയ്ക്കൊപ്പം കപിലിന്റെ ചിത്രവും ചേർത്ത് വെച്ച് പ്രശംസിക്കുകയാണ് ആരാധകരും സിനിമാലോകവും. ഒരിക്കൽ കൂടി ചാമ്പ്യൻ എന്നാണ് ചിത്രത്തിന് താഴെ ആയുഷ്മാൻ ഖുറാന കുറിച്ചത്.പ്രിയ ചിത്രത്തിനായി ആരാധകലോകം മുഴുവൻ കാത്തിരിക്കുകയാണ്..

.ഏക് ഥാ ടൈഗറും ബജ്‌റംഗി ഭായ്ജാനും, ട്യൂബ്‌ലൈറ്റും അടക്കമുള്ള ചിത്രങ്ങള്‍ സംവിധാനം ചെയ്ത കബീര്‍ ഖാനാണ് ചിത്രം ഒരുക്കുന്നത്. ചിത്രത്തിൽ. ദീപിക പദുകോണ്‍, സക്വിബ് സലീം, തഹീര്‍ രാജ് ഭാസിന്‍, ഹര്‍ദി സന്ധു തുടങ്ങിയവര്‍ മറ്റ് കഥാപാത്രങ്ങളായി എത്തുന്നു. ഒക്‌ടോബറില്‍ സിനിമയുടെ ചിത്രീകരണം അവസാനിച്ചിരുന്നു.2020 എപ്രിൽ 10-ന് ചിത്രം റിലീസ് ചെയ്യും.