തമിഴ് സിനിമയുടെ ഉലകനായകൻ കമല്‍ ഹാസന്റെ 65-ാം ജന്മദിനമായിരുന്നു കഴിഞ്ഞ ദിവസം നടന്നത്. ബന്ധുക്കളും സുഹൃത്തുകളുമായി നിരവധി പേരാണ് താരത്തിന് പിറന്നാൾ ആശംസകളുമായി എത്തിയത്. ജന്മദിനഘോഷത്തിനോടൊപ്പം തന്നെ സിനിമാ ജീവിതത്തിന്റെ 60 വര്‍ഷം കൂടിയാണ് കമല്‍ ഹാസന്‍ ആഘോഷിച്ചത്.
ഇപ്പോഴിതാ സിനിമ താരം മീന ഉലകനായകന് ആശംസകൾ നേർന്ന് എത്തിരിക്കുകയാണ്.
ഇരുവരും ഒന്നിച്ചുളള ഒരു പഴയകാല ഫോട്ടോഷൂട്ട് ചിത്രമാണ് മീന സോഷ്യൽ മീഡിയയിൽ പങ്കുവെച്ചിരിക്കുന്നത്.
”എന്റെ പ്രിയപ്പെട്ട ചിത്രങ്ങളില്‍ ഒന്ന്, ഫേട്ടോഷൂട്ടിനിടെ ഞങ്ങളുടെ വികാരങ്ങള്‍ വിപരീതമായിരുന്നു. ഉലകനായകന്, ഇതിഹാസത്തിന് ജന്മദിനാശംസകള്‍” എന്നായിരുന്നു മീന തന്റെ ഇന്‍സ്റ്റഗ്രാമില്‍ കുറിച്ചത്.
കമല്‍ ഹാസന്‍ സ്ത്രീ വേഷത്തില്‍ അഭിനയിച്ച ‘അവ്വൈ ഷണ്മുഖി ‘എന്ന ചിത്രത്തിലെ ‘രുക്കു രുക്കു’ എന്ന പാട്ടിന്റെ വീഡിയോയും മീന ഇന്‍സ്റ്റഗ്രാമില്‍ പങ്കുവച്ചു കൊണ്ട് മീന ഇങ്ങനെ കുറിച്ചു ”അവസ്മരണീയമായ സിനിമ, ഇതിലെ പാട്ടും, കഥാപാത്രവും, ജാനകി ആയി അഭിയിക്കാന്‍ സാധിച്ചതില്‍ ഒത്തിരി സന്തോഷം”. ചിത്രത്തില്‍ മീനയായിരുന്നു നായിക. കമല്‍ ഹാസല്‍ ‘അവ്വൈ ഷണ്മുഖി’യായി എത്തി പ്രേക്ഷക പ്രീതി പിടിച്ചുപറ്റിയ ചിത്രമായിരുന്നു അത്.
Post Your Comments