നവാഗതനായ ഗണേഷ് രാജ് തിരക്കഥ ഒരുക്കി സംവിധാനം ചെയ്ത ചിത്രമാണ് ആനന്ദം. 2016 ലായിരുന്നു ചിത്രം പുറത്തിറങ്ങിയത്. ഒരു എന്‍ജീനിയറിങ് കോളേജിനെ പശ്ചാതലമാക്കി ഒരുക്കിയ ചിത്രം തിയറ്ററുകളില്‍ വലിയ ഓളം സൃഷ്ടിച്ചിരുന്നു. വര്‍ഷങ്ങള്‍ക്ക് ശേഷം ഇപ്പോഴിതാ ആനന്ദത്തിലെ പിള്ളേരെല്ലാം ഒന്നിച്ചെത്തിയിരിക്കുകയാണ്. സിനിമയിലെ കേന്ദ്രകഥാപാത്രങ്ങളെ അവതരിപ്പിച്ച അരുണ്‍ കുര്യന്‍, റോഷന്‍ മാത്യൂ, വിശാഖ് നായര്‍, സിദ്ദി മഹാന്‍ജകട്ടി, തോമസ് മാത്യു, അനാര്‍ക്കലി മരക്കാര്‍, അന്നു ആന്റണി എന്നിവരെല്ലാം ഒന്നിച്ചെത്തിയിരുന്നു. റോഷന്‍ മാത്യൂ ആണ് കൂട്ടുകാര്‍ക്കൊപ്പമുള്ള ചിത്രം പുറത്ത് വിട്ടത്.
‘മൂന്ന് വര്‍ഷങ്ങള്‍ കൊണ്ട് എല്ലാം മാറിയിരിക്കുന്നു. ഞങ്ങള്‍ വളര്‍ന്നു, തിരക്കുള്ളവരായി, സമ്പന്നാരായി, ദരിദ്രരായി, സന്തോഷവും സങ്കടവുമെല്ലാം ഉണ്ടായി. ഞങ്ങള്‍ പിന്നീടൊന്നും കണ്ട് മുട്ടുകയോ ഒരുമിച്ചിരിക്കുകയോ ചെയ്തിട്ടില്ല. എനിക്ക് ലഭിച്ച ഏറ്റവും സന്തോഷകരമായ നിമിഷം ആനന്ദം എന്ന സിനിമയിലൂടെയുള്ള യാത്രയാണ്. ആ ഓര്‍മകള്‍ മധുരിതമാണ്. അതിലെന്നും നന്ദിയുണ്ടാവും. എന്നെ പോലെ തന്നെയാണ് മറ്റുള്ളവര്‍ക്കെന്നും’ റോഷന്‍ പറയുന്നു.
Post Your Comments