ബോളിവുഡ് താര സുന്ദരി പ്രിയങ്ക ചോപ്രയുടെ ഭര്‍ത്താവായ അമേരിക്കന്‍ പോപ്‌ ഗായകന്‍ നിക്കിന് ആരാധകര്‍ ഏറെയാണ്‌. അടുത്തിടെ ദക്ഷിണ കാലിഫോര്‍ണിയയില്‍ നിക്കും സഹോദരങ്ങളും ചേര്‍ന്ന് പരിപാടികള്‍ അവതരിപ്പിച്ചിരുന്നു. ആരാധകര്‍ക്ക് നടുവില്‍ അല്പം ഉയരത്തില്‍ നിന്ന നിക്ക് പാടുന്ന ഒരു വീഡിയോ സോഷ്യല്‍മീഡിയയില്‍ പ്രചരിക്കുകയാണ്. പാട്ടിനിടയില്‍ നിക്കിനെ പുറകില്‍ നിന്നും ഒരു ആരാധിക തൊടുന്നതാന് വീഡിയോ ശ്രദ്ധിക്കപ്പെടാന്‍ കാരണം.
ആകാംക്ഷയോടെ നിക്കിന്റെ കാലില്‍ തൊട്ടും തലോടിയും നിക്കിന്റെ ശ്രദ്ധ പിടിച്ചു പറ്റാന്‍ ശ്രമിക്കുന്ന ആരാധികയുടെ പ്രവൃത്തിയില്‍ അസ്വസ്ഥനായ നിക്ക് കൈ തട്ടിമാറ്റാന്‍ ശ്രമിക്കുന്നതും പുറകിലേക്ക് തിരിഞ്ഞ് ആരാധികയെ നോക്കുന്നതും വീഡിയോയില്‍ വ്യക്തമാണ്. അടുത്തുണ്ടായിരുന്ന സെക്യൂരിറ്റി ജീവനക്കാരും യുവതിയുടെ കൈ തട്ടിമാറ്റാന്‍ ശ്രമിക്കുന്നുണ്ടെങ്കിലും അതൊന്നും കൂസാതെയാണ് യുവതിയുടെ പ്രവൃത്തി. ഈ വീഡിയോ വൈറലായതോടെ താരത്തിനുണ്ടായ മോശം അനുഭവത്തിനു ക്ഷമ ചോദിച്ച് ആരാധകര്‍ രംഗത്തെത്തി.
Post Your Comments