ഡാന്‍സ് കോറിയോഗ്രാഫർ ബൃന്ദ മാസ്റ്റര്‍ സംവിധായികയായി എത്തുന്നു. തമിഴില്‍ ഒരുക്കുന്ന ചിത്രത്തില്‍ നായകനായെത്തുന്നത് യുവതാരമായ ദുല്‍ഖര്‍ സല്‍മാനാണ്. ഫെബ്രുവരിയില്‍ സിനിമയുടെ ചിത്രീകരണം ആരംഭിച്ചേക്കുമെന്നുള്ള റിപ്പോര്‍ട്ടുകളാണ് പുറത്തുവരുന്നത്.
ദയ എന്ന ചിത്രത്തിലൂടെ മികച്ച ഡാന്‍സ് കോറിയോഗ്രാഫറിനുള്ള ദേശീയ പുരസ്‌കാരം ലഭിച്ചിട്ടുണ്ട് ബൃന്ദ മാസ്റ്ററിന്. മുന്‍നിര താരങ്ങളെ മാത്രമല്ല യുവതാരങ്ങളേയും അവര്‍ നൃത്തം ചെയ്യിപ്പിച്ചിട്ടുണ്ട്. ഡാന്‍സുമായി മുന്നേറുന്നതിനിടയിലും സംവിധാനമോഹം മനസ്സിലുണ്ടായിരുന്നുവെന്നും ആ സ്വപ്‌നം സഫലീകരിക്കാനുമുള്ള ശ്രമത്തിലാണ് അവര്‍. എന്നാൽ സിനിമയുമായി ബന്ധപ്പെട്ട കൂടുതല്‍ വിവരങ്ങളൊന്നും പുറത്തുവന്നിട്ടില്ല.
Post Your Comments