വിജയ് – ആറ്റ്ലി കൂട്ടുകെട്ടിൽ പുറത്തിറങ്ങിയ ചിത്രമാണ് ബിഗില്‍. ഇന്ന് റിലീസ് ചെയ്ത സിനിമയുടെ വ്യാജ പതിപ്പ് മണിക്കൂറുകൾക്കുള്ളിൽ ഇന്‍റർനെറ്റിൽ എത്തിരിക്കുകയാണ്. തമിഴ്റോക്കേഴ്‍സാണ് ചിത്രം ഓണ്‍ലൈനില്‍ ചോര്‍ത്തിയിരിക്കുന്നത്. ലോകമെമ്പാടുമായി മൂവായിരത്തോളം സ്‍ക്രീനുകളിലായിരുന്നു ബിഗില്‍ റിലീസ് ചെയ്‍തത്. തെരി, മെർസൽ എന്നീ സിനിമകൾക്ക് ശേഷം വിജയ്-ആറ്റ്ലി കൂട്ടുകെട്ടിലൊരുങ്ങുന്ന ചിത്രമാണ് ബിഗിൽ.
അടുത്തിടെ പുറത്തിറങ്ങിയ മിക്ക ചിത്രങ്ങളും തമിഴ്റോക്കേഴ്‍സ് ചോർത്തിയിരുന്നു. സിനിമ വ്യവസായത്തെ തകർക്കുന്ന ഈ പ്രവണതയ്ക്കെതിരെ നടപടി സ്വീകരിക്കുവാൻ നിർദ്ദേശം നൽകിയിട്ടുണ്ടെങ്കിലും ഇത് അവസാനിപ്പിക്കുവാൻ ഇപ്പോഴും സാധിക്കുന്നില്ല. പൃഥ്വിരാജ് പ്രൊഡക്ഷനൊപ്പം ലിസ്റ്റിൻ സ്റ്റീഫന്റെ മാജിക് ഫ്രെയിംസും ചേര്‍ന്നാണ് ചിത്രം കേരളത്തിൽ പ്രദർശനത്തിനെത്തിച്ചത്.
Post Your Comments