ആസിഫിന്റെ കുടുംബത്തിലേയ്ക്ക് പുതിയൊരു ആംഗവും കൂടി

യുവനടൻ ആസിഫ് അലിയുടെ കുടുംബത്തിലേയ്ക്ക് പുതിയൊരു ആംഗവും കൂടി എത്തിരിക്കുകയാണ്.  മെഴ്സിഡീസ് ബെൻസിന്റെ ജി 55 എഎംജിയാണ് താരം സ്വന്തമാക്കിയിരിക്കുന്നത്. മലയാള സിനിമ താരങ്ങളിൽ നിന്ന് ജി-വാഗണ്‍ സ്വന്തമാക്കുന്ന ആദ്യ താരം കൂടിയാണ് ആസിഫ് അലി. ഗുരുഗ്രാം ആസ്ഥാനമായുള്ള പ്രീമിയം യൂസ്ഡ് കാര്‍ ഡീലര്‍ഷിപ്പായ ബിഗ്‌ബോയ് ടോയിസില്‍ നിന്നാണ് ആസിഫ് ഈ വണ്ടി വാങ്ങിയിരിക്കുന്നത്.

മെഴ്‌സിഡിസ് ജി-വാഗണിന്റെ പെര്‍ഫോമെന്‍സ് പതിപ്പാണ് ജി 55 എഎജി. 5.5 ലിറ്റര്‍ വി8 പെട്രോള്‍ എന്‍ജിനിലെത്തുന്ന ഈ വാഹനം 507 പിഎസ് പവറും700 എന്‍എം ടോര്‍ക്കുമാണ് ഉത്പാദിപ്പിക്കുന്നത്. മാനുവല്‍ ഷിഫ്റ്റ് മോഡുള്ള അഞ്ച് സ്പീഡ് ഓട്ടോമാറ്റിക്കാണ് ട്രാന്‍സ്മിഷന്‍. 2014 ൽ ഇന്ത്യയിൽ രജിസ്റ്റർ ചെയ്ത വാഹനമാണിത്. ഇന്ത്യയിൽ തന്നെ വളരെ വിരളാമായിട്ടാണ് ആളുകൾ ഈ വാഹനം വാങ്ങുന്നത്. അതിലും വിരളമാണ് കേരളത്തിൽ.