കുഞ്ഞ് മഹാലക്ഷ്മിയുടെ പിറന്നാൾ ആഘോഷമാക്കി താരദമ്പതികൾ : കൂടുതൽ ചിത്രങ്ങൾ പുറത്ത്

ദിലീപ്–കാവ്യ താരദമ്പതികളുടെ മകൾ മഹാലക്ഷ്മിയുടെ ഒന്നാം പിറന്നാൾ ആഘോഷത്തിന്റെ  കൂടുതൽ ചിത്രങ്ങൾ പുറത്തിറങ്ങി. നടി നമിത പ്രമോദ്, അരുൺ ഗോപി, ലാൽ ജോസ്, സൈജു കുറുപ്പ് തുടങ്ങിയ നിരവധി താരങ്ങളാണ് താരകുടുംബത്തിനൊപ്പമുള്ള ചിത്രം സോഷ്യൽ മീഡിയയിൽ പങ്കുവച്ചത്.

മഹാലക്ഷ്മി ജനിച്ചതിന് ശേഷം ആദ്യമായിട്ടാണ് കുഞ്ഞിന്റയെ ചിത്രങ്ങൾ പുറത്തുവിട്ടത്. ചിത്രങ്ങൾ ഇതിനോടകം തന്നെ ആരാധകര്‍ ഏറ്റെടുത്തിരുന്നു. ദിലീപും കാവ്യയും തങ്ങളുടെ സോഷ്യല്‍മീഡിയ അക്കൗണ്ടുകളിലൂടെയാണ് മകളുടെ ചിത്രം ആദ്യമായി പുറത്തു വിട്ടത്. ദിലീപ്, കാവ്യ, മൂത്ത മകള്‍ മീനാക്ഷി, ദിലീപിന്റെ അമ്മ എന്നിവര്‍ക്കൊപ്പമുള്ള മഹാലക്ഷ്മിയുടെ ചിത്രമാണ് ആദ്യം പുറത്തുവന്നത്.