ജനറേഷന്‍ ഗ്യാപ് ഇല്ലാതെ മഞ്ജു വാര്യരെ പ്രേക്ഷകര്‍ ഇഷ്ടപ്പെടുന്നത് കാണുമ്പോള്‍ തനിക്ക് അതിശയം തോന്നാറുണ്ടെന്ന് അനുശ്രീ. കോട്ടയത്ത് പുതിയ ചിത്രത്തിന്റെ ചിത്രീകരണത്തിനിടെ മഞ്ജു വാര്യരെ കാണാന്‍ കാത്തു നിന്നത് അത്രത്തോളം ആരാധകരാണെന്നും അനുശ്രീ പറയുന്നു. മഞ്ജു ചേച്ചി ഇലക്ഷനില്‍ നിന്നാല്‍ ഉറപ്പായും ജയിക്കുമെന്ന് താന്‍ മഞ്ജു വാര്യരോട് തന്നെ പറഞ്ഞുവെന്നും അനുശ്രീ പറയുന്നു. താരം എന്ന ഒരു ചിന്താഗതി തനിക്ക് ഒരിക്കലും ഉണ്ടായിട്ടില്ലെന്നും അതിന്റെ കാരണത്തെക്കുറിച്ചും അനുശ്രീ ഒരു സ്വകാര്യ എഫ്എം ചാനലിനു നല്‍കിയ അഭിമുഖത്തില്‍ വ്യക്തമാക്കുന്നു.
‘ഞാന്‍ ഒരു താരപരിവേഷം കാണിക്കാന്‍ ഒരുങ്ങിയാല്‍ ഞാന്‍ ലൈഫ് ലോങ്ങ്‌ അത് കീപ്‌ ചെയ്യാന്‍ പറ്റുന്ന ഒരാള്‍ ആയിരിക്കണം. ഇപ്പോള്‍ എനിക്ക് കുറച്ചു സ്റ്റാര്‍ഡമുണ്ട്. അത് കൊണ്ട് ഞാന്‍ ഇങ്ങനെ നടക്കാം. പിന്നെ അഞ്ച് വര്‍ഷം കഴിയുമ്പോള്‍ എനിക്ക് അത്രയും ഒരു ഇമേജ് കാണില്ല. അപ്പോള്‍ ആളുകള്‍ പറയും പണ്ട് എന്തായിരുന്നു? ഇപ്പോള്‍ കണ്ടില്ലേ? അങ്ങനെ പറയിപ്പിക്കാന്‍ ഞാന്‍ ഒരിക്കലും ഇഷ്ടപ്പെടുന്നില്ല
സെലബ്രിറ്റി എന്ന നിലയില്‍ ഞാന്‍ വലിയ താരമായി എനിക്ക് തോന്നാറില്ല, ഞാന്‍ ഇപ്പോള്‍ അവസാനമായി അഭിനയിച്ചത് മഞ്ജു ചേച്ചിക്കൊപ്പമാണ്, കൊച്ചു കുട്ടികള്‍ മുതല്‍ പ്രായമായ അമ്മുമ്മമാര്‍ക്ക് വരെ മഞ്ജു വാര്യര്‍ എന്ന നടിയെ അറിയാം. എന്നെയൊന്നും പഴയ ആളുകള്‍ക്ക് അറിയില്ല. ജനറേഷന്‍ ഗ്യാപ് ഇല്ലാതെയുള്ള ആരാധകരെ സൃഷ്ടിക്കുക എന്നത് വലിയ കാര്യമാണ്. ചിത്രീകരണത്തിനിടെ ഞാന്‍ മഞ്ജു ചേച്ചിയോട് പറഞ്ഞു. ‘ഇലക്ഷനില്‍ നിന്നാല്‍ ചേച്ചി ഉറപ്പായും ജയിക്കുമെന്ന്’. കോട്ടയത്ത് ഒക്കെ ഷൂട്ട്‌ ചെയ്തപ്പോള്‍ മഞ്ജു ചേച്ചി ഉള്ളത് കൊണ്ട് അത്രക്കും ബുദ്ധിമുട്ടി. ചേച്ചിയെ കാണാന്‍ ഒരുപാട് പേര് കാത്തു നില്‍ക്കുന്നുണ്ടായിരുന്നു, ആരാധകരുടെ ജനറേഷന്‍ ഗ്യാപ് ആണ് എന്നെ ഞെട്ടിച്ചത്’.
Post Your Comments