തെന്നിന്ത്യന്‍ സൂപ്പര്‍ താം വിക്രമിന്റെ മകന്‍ ധ്രുവ് വിക്രം നായകനായി അരങ്ങേറ്റം കുറിക്കുന്ന ആദിത്യ വര്‍മ്മയുടെ ട്രെയിലര്‍ പുറത്തിറങ്ങി. വിജയ് ദേവരകൊണ്ട നായകനായെത്തിയ സൂപ്പര്‍ ഹിറ്റ് ചിത്രം അര്‍ജുന്‍ റെഡ്ഡിയുടെ തമിഴ് പതിപ്പാണ് ആദിത്യ വര്‍മ്മ.
ഗിരീസായ ആണ് ആദിത്യവര്‍മ്മ സംവിധാനം ചെയ്തിരിക്കുന്നത്. അര്‍ജുന്‍ റെഡ്ഡിയുടെ സഹസംവിധായകനാണ് ഗിരീസായ. ഈ ചിത്രം ധ്രുവിനെ നായകനാക്കി വര്‍മ്മ എന്ന പേരില്‍ ബാല സംവിധാനം ചെയ്തിരുന്നു. എന്നാല്‍ അണിയറ പ്രവര്‍ത്തകരുമായുള്ള ചില പ്രശ്നങ്ങളെ തുടര്‍ന്ന് ബാല ചിത്രത്തില്‍ നിന്നും പിന്മാറി. അതിനു ശേഷമാണ് ഗിരീസായ സംവിധായകനായത്. .
ആദിത്യ വര്‍മ്മയിലെ നായികയായി ബനിത സന്ധുവാണ് വേഷമിടുന്നത്. ഒക്ടോബര്‍ എന്ന ചിത്രത്തിലൂടെ ശ്രദ്ധേയയായ നടിയാണ് ബനിത. മികച്ച പ്രതികരണമാണ് ട്രെയിലറിന് ലഭിക്കുന്നത്. അര്‍ജുന്‍ റെഡ്ഡിയോട്ചിത്രം നീതി പുലര്‍ത്തുന്നുണ്ടെന്നാണ് ആരാധകരുടെ അഭിപ്രായം.ധ്രുവിന്റെ പ്രകടനം അസാധ്യമാണെന്നും വിലയിരുത്തുന്നുണ്ട്.
Post Your Comments