റിലീസ് ചെയ്യുമ്പോള്‍ തിയേറ്ററില്‍ ആളനക്കം ഇല്ലാതിരുന്ന ‘ആകാശദൂത്’ ചരിത്ര വിജയമായതിനു പിന്നില്‍ ഒരു പ്രമുഖ നടിയുടെ ഭര്‍ത്താവിന്റെ കമന്റ് ആയിരുന്നു. സിനിമയുടെ ഡിസ്റ്റ്രിബ്യൂട്ടര്‍മാര്‍ ഉള്‍പ്പടെ ‘ആകാശദൂതി’നോട് മുഖം തിരിച്ചപ്പോള്‍ പ്രശസ്ത ആയുര്‍വേദ ഡോക്ടറും സിനിമാ താരവും ശ്രീലത നമ്പൂതിരിയുടെ ഭര്‍ത്താവുമായ കാലടി നമ്പൂതിരി ഈ സിനിമ കണ്ട ശേഷം ഇതിന്റെ അണിയറ പ്രവര്‍ത്തകരെ വിളിക്കുകയായിരുന്നു.
‘ഈ സിനിമ നിങ്ങള്‍ പരസ്യം ചെയ്യാതെ വിട്ടു കളയരുത്. തിയേറ്ററില്‍ ആളില്ലാതെ ഈ സിനിമ കാണേണ്ടി വരുന്നതില്‍ സങ്കടമുണ്ട് . ബോക്സോഫീസില്‍ വലിയ വിജയം നേടാന്‍ കഴിയുന്ന സിനിമയാണ് ‘ആകാശദൂത്’ ‘, എന്നൊക്കെ കാലടി നമ്പൂതിരി ചിത്രത്തിന്റെ തിരക്കഥാകൃത്തായ ഡെന്നിസ് ജോസഫിനെ വിളിച്ചറിയിച്ചു. അതോടെ ചെറിയ രീതിയില്‍ ഡെന്നിസ് ജോസഫും ടീമും കാലടി നമ്പൂതിരിയുടെ വാക്കുകള്‍ വെച്ച് വീണ്ടുമൊരു പരസ്യം ചെയ്തു,അതോടെ സിനിമയ്ക്ക് ആളുകള്‍ കയറാന്‍ തുടങ്ങി. അക്കാലത്തെ പേര് കേട്ട ആയുര്‍വേദ ഡോക്ടര്‍ സിനിമയ്ക്ക് നല്‍കിയ കമന്റ് ആകാശദൂത് എന്ന ചിത്രത്തിന് വലിയ രീതിയില്‍ ഗുണം ചെയ്തു. മൗത്ത് പബ്ലിസിറ്റി കൊണ്ടും സിനിമയെക്കുറിച്ച് കാലടി നമ്പൂതിരി പറഞ്ഞ ലഘു നിരൂപണവും പ്രേക്ഷകര്‍ ശ്രദ്ധിക്കാന്‍ തുടങ്ങിയതോടെ ഓരോ ദിവസം സിനിമ കാണാന്‍ പ്രേക്ഷകര്‍ ഇരച്ചു കയറി. അന്‍പത് പ്രേക്ഷകരില്‍ നിന്ന് അഞ്ഞൂറ് പ്രേക്ഷകര്‍ ഒറ്റ ഷോ കണ്ടു ഇറങ്ങിയ സാഹചര്യമുണ്ടായാതോടെ ആകാശദൂത് മലയാള സിനിമയുടെ ചരിത്ര വിജയമായി മാറി.
Post Your Comments