പണം വാങ്ങി കരാർ ലംഘിച്ചുവെന്ന ജോബി ജോർജിന്റെ ആരോപണങ്ങൾക്ക് മറുപടിയുമായി ഷെയിൻ നിഗം. ഇൻസ്റ്റഗ്രാം വീഡിയോയിലൂടെയാണ് ജോബി ജോർജ് വാർത്താസമ്മേളനത്തിൽ പറഞ്ഞ ഒരൊറ്റ വരിക്ക് മറുപടി എന്ന ആമുഖത്തോടെ ഷെയിൻ തുടങ്ങുന്നത്.
ഷെയ്‌ന്റെ വാക്കുകൾ, ‘ജോബി ജോർജിന്റെ വാർത്താസമ്മേളനം കണ്ടവരുണ്ടെന്ന് വിശ്വസിക്കുന്നു. ഇത് വാർത്താസമ്മേളനത്തിനുള്ള മറുപടിയല്ല. അതിലുള്ള ഒരു വരിക്ക് മാത്രമുള്ള മറുപടിയാണ്. വിഡിയോയ്ക്കു താഴെ കമന്റ് ചെയ്ത നല്ലവരായ ജനങ്ങൾക്ക് കൂടിയുള്ള മറുപടിയാണ്. ഇത് വെല്ലുവിളിയല്ല. എന്നെ നിയന്ത്രിക്കുന്ന ഒരു ശക്തിയുണ്ടെങ്കിൽ, എന്റെ റബ്ബ് ഉണ്ടെങ്കില്‍, ഞാനിനി മറുപടി തരുന്നില്ല, റബ്ബ് തന്നോളും- ഷെയ്ൻ പറഞ്ഞു.
കഴിഞ്ഞ ദിവസം ഇൻസ്റ്റഗ്രമിൽ ലൈവിൽ എത്തിയാണ് നിർമ്മാതാവിൽ നിന്നുള്ള വധഭീഷണിയെ കുറിച്ച് ഷെയ്ൻ പറഞ്ഞത്. ഗുഡ്വിൽ എൻടെയ്മെന്റെിന്റെ ബാനറിൽ ജോബി ജോർജ് നിർമ്മിക്കുന്ന വെയിൽ എന്ന ചിത്രത്തിലാണ് ഷെയ്ൻ അഭിനയിക്കുന്നത്. ഈ ചിത്രത്തിനോടൊപ്പം തന്നെ ഖുർബാനി എന്ന സിനിമയിലും അഭിനയിക്കുന്നുണ്ട്. ഈ ചിത്രത്തിനു വേണ്ടി അൽപം ലുക്ക് മാറ്റിയതിന്റെ നിജ്ജസ്ഥിതി മനസ്സിലാക്കാതെ നിർമ്മാതാവ് വധഭീഷണി മുഴുക്കുകയായിരുന്നു. തന്നെ ജീവീക്കാൻ അനുവദിക്കില്ലെന്നും ജോബി ഫോണിലൂടെ ഭീഷണി മുഴക്കിയെന്നും ഷെയ്ൻ ലൈവിലും തുടർന്ന് താരസംഘടനയായ അമ്മയ്ക്ക് നൽകിയ പരാതിലും പറയുന്നുണ്ട്. എന്നാൽ ചിത്രത്തിനു വേണ്ടി മുഴുവന്‍ പ്രതിഫലവും വാങ്ങിയ ഷെയ്ൻ തന്നെ പറ്റിക്കുകയായിരുന്നുവെന്നാണ് ജോബി ജോർജ് പത്രസമ്മേളനത്തിൽ പറഞ്ഞിരുന്നത്.
Post Your Comments