ആഡംബര കാറുകള്‍ സ്വന്തമാക്കുന്ന താരങ്ങളുടെ വാര്‍ത്തകൾ പലപ്പോഴും നമ്മൾ കാണാറുള്ളതാണ്. ലംബോര്‍ഗിനി എന്ന കാര്‍ നടന്‍ പൃഥ്വിരാജിലൂടെയാണ് കേരളത്തില്‍ തരംഗമായത്. മകന്‍ വാങ്ങിയ ലംബോര്‍ഗിനിയെ കുറിച്ച് നടി മല്ലിക സുകുമാരന്‍ പറഞ്ഞ വാക്കുകളായിരുന്നു സോഷ്യൽ മീഡിയയിൽ തരംഗമായത്. ഇപ്പോഴിതാ മോഹന്‍ലാലും ഇതേ കാര്യത്തില്‍ വാര്‍ത്തകളില്‍ നിറയുകയാണ്.
നിര്‍മാതാവ് സന്തോഷ് ടി കുരുവിള ഫേസ്ബുക്ക് പേജിലൂടെ പങ്കുവെച്ച ചില ചിത്രങ്ങളാണ് ഇതിന് കാരണം. മോഹന്‍ലാലിനൊപ്പം നടന്‍ ടിനി ടോമും ചിത്രങ്ങളിലുണ്ടായിരുന്നു. ലംബോര്‍ഗിനി ഉറുസ് ടെസ്റ്റ് ഡ്രൈവ് ചെയ്യാന്‍ താല്‍പര്യം ഉണ്ടെന്ന് മോഹന്‍ലാല്‍ അറിയച്ചതോടെയാണ് സന്തോഷ് ടി കുരുവിള മുന്‍കൈ എടുത്ത് ബിഗ് ബ്രദറിന്റയെ ലൊക്കേഷനിലേക്ക് ആഡംബര കാര്‍ എത്തിയത്.
അധികം വൈകാതെ മോഹന്‍ലാലും ലംബോര്‍ഗിനി സ്വന്തമാക്കാന്‍ സാധ്യതയുണ്ടെന്നാണ്
ഈ വാർത്തകൾ സൂചിപ്പിക്കുന്നത്. മോഹന്‍ലാല്‍ കാര്‍ ഓടിച്ച കാര്യം സന്തോഷ് തന്നെയാണ് പുറത്ത് വിട്ടത്. എന്നാൽ ഉറുസ് ഓടിച്ചതിന് ശേഷമുള്ള മോഹന്ലാലിന്റെ പ്രതികരണം എ്ന്താണെന്നുള്ള കാര്യം വെളിപ്പെടുത്താന്‍ സന്തോഷ് ടി കുരുവിള തയ്യാറായില്ല.
മോഹന്‍ലാല്‍ മാത്രമല്ല ലംബോര്‍ഗിനിയില്‍ ടെസ്റ്റ് ഡ്രൈവ് നടത്താന്‍ നടന്‍ ടിനി ടോമും ഉണ്ടായിരുന്നു. ടിനിയ്‌ക്കൊപ്പം നടനും തിരക്കഥാകൃത്തുമായ വിഷ്ണു ഉണ്ണികൃഷ്ണനും ഇവരെ കൂടാതെ മറ്റ് രണ്ട് സുഹൃത്തുക്കളും ഉണ്ടായിരുന്നു. ലാലേട്ടനും ലംബോര്‍ഗിനിയ്ക്കും വില കൂടുതലാണെന്ന് പറഞ്ഞ് കൊണ്ട് കാറിന് അടുത്ത് നില്‍ക്കുന്ന ചിത്രങ്ങളും വീഡിയോസും ടിനി ടോം ഫേസ്ബുക്കിലൂടെ പങ്കുവെച്ചിരുന്നു. നിലവില്‍ സിദ്ദിഖ് സംവിധാനം ചെയ്യുന്ന ബിഗ് ബ്രദറില്‍ അഭിനയിച്ച് കൊണ്ടിരിക്കുകയാണ് താരങ്ങളെല്ലാവരും.
Post Your Comments