സന്തോഷ് ശിവന് ഏറ്റവും പ്രിയപ്പെട്ട 5 താരങ്ങൾ, അതിൽ മമ്മൂട്ടിയില്ല

മമ്മൂട്ടിയെ നായകനാക്കി കുഞ്ഞാലി മരക്കാർ എന്ന ചിത്രം സംവിധാനം ചെയ്യാനിരുന്നത് സന്തോഷ് ശിവനാണ്. മമ്മൂട്ടിയുടെ കുറെ ചിത്രങ്ങൾക്ക് ക്യാമറയും അദ്ദേഹം ചലിപ്പിച്ചിട്ടുമുണ്ട്. എന്നാൽ,  സന്തോഷ് ശിവന് ഏറ്റവും ഇഷ്ടമുള്ള അഞ്ച് താരങ്ങളളുടെ കൂട്ടത്തിൽ മമ്മൂട്ടി ഇല്ല

മോഹൻലാൽ, അമിതാഭ് ബച്ചൻ, രജനികാന്ത്, ഷാരുഖ് ഖാൻ, മഹേഷ് ബാബു എന്നിവരാണ് താൻ ജോലി ചെയ്തിട്ടുള്ളവരിൽ ഏറ്റവും പ്രിയപ്പെട്ടവരെന്നാണ് സന്തോഷ് ശിവൻ ട്വീറ്റ് ചെയ്‌തത്‌. കാലാപാനി, ഇരുവർ, യോദ്ധാ തുടങ്ങി ഒട്ടേറെ മോഹൻലാൽ ചിത്രങ്ങൾക്ക് സന്തോഷ് ശിവൻ ക്യാമറ ചലിപ്പിച്ചിട്ടുണ്ട്. മോഹൻലാലിനെ നായകനാക്കി ‘കലിയുഗം’ എന്ന ബ്രഹ്‌മാണ്ഡ സിനിമ സംവിധാനം ചെയ്യാനിരിക്കുകയാണ് സന്തോഷ് ശിവൻ.

അമിതാഭ് ബച്ചനും ഷാരുഖ് ഖാനുമൊപ്പം നിരവധി തവണ ജോലി ചെയ്തിട്ടുണ്ട് സന്തോഷ് ശിവൻ. മഹേഷ് ബാബുവിന്റെ സ്‌പൈഡറിന് ക്യാമറ ചലിപ്പിച്ചത് സന്തോഷമായിരുന്നു. ദളപതിക്ക് ശേഷം 28 വർഷങ്ങൾ കഴിഞ്ഞ് ദർബാർ എന്ന ആക്ഷൻ ത്രില്ലറിൽ രജനികാന്തിനൊപ്പം വർക്ക് ചെയ്തുകൊണ്ടിരിക്കുകയാണ് ഇപ്പോൾ സന്തോഷ് ശിവൻ.