പ്രേമം എന്ന മലയാള ചിത്രത്തിലൂടെ സിനിമയിലെത്തിയ താരമാണ് സായ് പല്ലവി. ആദ്യ സിനിമയിലൂടെ തന്നെ പ്രേക്ഷക മനസ്സിലേക്ക് ഇടിച്ച് കയറുകയായിരുന്നു താരം. പിന്നീട് തമിഴിലും തെലുങ്കിലുമായി നിരവധി ചിത്രങ്ങളിൽ താരം അഭിനയിച്ചു. സോഷ്യല്‍ മീഡിയയിൽ സജീവമായ താരം പങ്കുവെക്കുന്ന പോസ്റ്റുകളെല്ലാം നിമിഷനേരം കൊണ്ടാണ് തരംഗമായി മാറുന്നത്. ഇപ്പോഴിതാ ട്രീ ചാലഞ്ച് ഏറ്റെടുത്ത വിശേഷം പങ്കുവെച്ച് എത്തിയിരിക്കുകയാണ് സായ് പല്ലവി.
ഗ്രീന്‍ ഇന്ത്യ ക്യാംപെയന്‍ തരംഗമായി മാറിക്കൊണ്ടിരിക്കുകയാണ് ഇപ്പോൾ. ഇതിന് പിന്തുണ അറിയിച്ച് സിനിമാലോകവും എത്തിയിട്ടുണ്ട്. താരങ്ങളില്‍ പലരും ചാലഞ്ച് ചെയ്തും ചാലഞ്ച് സ്വീകരിച്ചുമൊക്കെ എത്തിക്കൊണ്ടിരിക്കുകയാണ്. വരുണ്‍ തേജായിരുന്നു സായ് പല്ലവിക്ക് ട്രീ ചാലഞ്ച് നല്‍കിയത്. താന്‍ ചാലഞ്ച് സ്വീകരിച്ചുവെന്ന് വ്യക്തമാക്കിയതിന് പിന്നാലെയായാണ് താരം സായ് പല്ലവിക്ക് വെല്ലുവിളി നല്‍കിയത്.
തനിക്ക് ട്രീ ചാലഞ്ച് നല്‍കിയ വരുണിന് നന്ദി അറിയിച്ച താരം ചാലഞ്ച് സ്വീകരിച്ചുവെന്ന് വ്യക്തമാക്കുന്ന ചിത്രവും കുറിപ്പും പോസ്റ്റ് ചെയ്തിരിക്കുകയാണ്. ശുദ്ധവായുവെന്നത് ഇല്ലാതായിക്കൊണ്ടിരിക്കുകയാണ്, വല്ലാതെ ഭയപ്പെടുത്തുന്നുണ്ട് ഇക്കാര്യം. അതിനാല്‍ എല്ലാവരും ഒരു മരമെങ്കിലും നട്ട് പിടിപ്പിക്കണം എന്ന് കുറിച്ച താരം സാമന്തയ്ക്കും റാണ ദഗ്ഗുപതിക്കുമാണ് ട്രീ ചാലഞ്ച് നല്‍കിരിക്കുന്നത്.
Post Your Comments