തെന്നിന്ത്യൻ ചിത്രങ്ങളിലൂടെ പ്രേക്ഷകരുടെ ഇഷ്ടം നേടിയെടുത്ത താരമാണ് പ്രിയാമണി. ഗ്ലാമര്‍ റോളുകള്‍ക്ക് പുറമെ അഭിനയ പ്രാധാന്യമുളള വേഷങ്ങളിലും നടി തിളങ്ങിയിരുന്നു. തെന്നിന്ത്യയിലെ സൂപ്പര്‍താരങ്ങള്‍ക്കൊപ്പമുളള സിനിമകളിലൂടെയാണ് നടി കൂടുതല്‍ തിളങ്ങിയിരുന്നത്. അടുത്തകാലത്തായി സിനിമകളിൽ അഭിനയിക്കുന്നില്ലെങ്കിലും ടെലിവിഷന്‍ രംഗത്തെല്ലാം സജീവമായി നടി ഉണ്ടായിരുന്നു.
അടുത്തിടെ ആമസോണ്‍ പ്രൈമിന്റെ ഫാമിലി മാനിലൂടെ വെബ് സീരിസ് രംഗത്തേക്കും നടി എത്തിയിരുന്നു. ബോളിവുഡ് താരം മനോജ് ബജ്‌പേയ്,നീരജ് മാധവ് തുടങ്ങിയവര്‍ പ്രധാന വേഷങ്ങളില്‍ എത്തുന്ന സീരിസില്‍ നായികയായിട്ടാണ് നടി എത്തുന്നത്. ഫാമിലിമാന്റെതായി പുറത്തിറങ്ങിയ ആദ്യ സീസണിന് മികച്ച സ്വീകാര്യതയാണ് ലഭിച്ചിരുന്നത്. ചിത്രത്തിലെ നടിയുടെ പ്രകടനത്തെ പ്രശംസിച്ചും നിരവധി പേര്‍ സോഷ്യല്‍ മീഡിയയില്‍ എത്തിയിരുന്നു.
Post Your Comments