ടൊവിനോ തോമസ് കേന്ദ്ര കഥാപാത്രമായെത്തുന്ന ‘എടക്കാട് ബറ്റാലിയൻ 06’ ഒക്ടോബറിൽ തിയേറ്ററിൽ എത്തുന്നു. കമ്മട്ടിപാടത്തിനു ശേഷം പി ബാലചന്ദ്രൻ തിരക്കഥ എഴുതി നവാഗതനായ സ്വപ്‌നേഷ് കെ നായരാണ് ചിത്രം സംവിധാനം ചെയ്യുന്നത്. ചിത്രത്തിൽ പട്ടാളക്കാരനായാണ് ടൊവിനോ എത്തുന്നത്.
സിനിമയുടെ സംഘട്ടനരംഗം ചിത്രീകരിക്കുന്നതിനിടെ ടൊവിനോയ്ക്ക് പൊള്ളലേറ്റത് വലിയ വാർത്തയായിരുന്നു. ഡ്യൂപ്പിനെ ഉപയോഗിക്കാതെയായിരുന്നു താരം ഈ രംഗം ചിത്രീകരിക്കാൻ തയ്യാറായത്.
സംയുക്താ മേനോനാണ് ചിത്രത്തിൽ നായികയായി എത്തുന്നത്. ഡോ ശ്രീകാന്ത് ഭാസി, തോമസ് ജോസഫ് പട്ടത്താനം, ജയന്ത് മാമ്മൻ എന്നിവർ ചേർന്നു നിർമ്മിക്കുന്ന ചിത്രത്തിന്റെ സംഗീതം സംവിധാനം നിർവഹിക്കുന്നത് കൈലാസ് മേനോനാണ്.
Post Your Comments